Al-xorazimiy nomidagi urganch davlat universiteti

108  Каранг:  Нафсат ал-масдур.  -  Б.  47-48;  «Сийрат» даги маълумот:  -  Б.  287 ва кейингилари.
38

---

atrofda  boshqa  bir  qo’shin  borligini  aytadi.  Sulton  uni  dushmanning  ayg’oqchisi 
deb,  unga inonmadi.  Biroq kechasi bilan uxlamay  o’z  chodarida may ichib  o’tirdi. 
An-Nasaviy  esa  munshiy  sifatida  boshqa  bir  chodarda  yozish  va  chizish  bilan 
mashg’ul  bo’lib,  kech  biroz  uxladi.  Tong  sahar  qarorgohga  mo’g’ullar  hujum 
qildilar.  Sulton bir guruh lashkari bilan Mayaforqinga qochadi.  Qolgan qo’shinning 
bir  qismi  tormor  etildi,  bir  qismi  qochib  qutildilar.  Muallif  yana  bir  necha 
qochganlar  bilan  bir  g’orda  yashirinib,  uch  kundan  keyin  Amidga  kirib  keldilar. 
SHahar  hokimi  Rukniddin  Mas’ud  an-Nasaviyni  zindonga  tashlaydi.  Uch  oydan 
keyin bir kecha darvishlarning xirqasini kiyib,  an-Nasaviy hibsdan qochadi va ko’p 
qiyinchiliklarni  boshdan  kechirib,  avval  Mardinga,  keyin  Irbilga  Muzaffariddin 
Ko’kburiy Bekteginiy oldiga boradi.  U yerdan u Urmiyaga,  u yerda esa Ali  Iroqiy 
degan hokimning zulmidan qochib, Xoyga bormoqchi bo’lganida, hokim orqasidan 
quvib jo ’natgan  dasta  uni  bir  yo’ldoshi  bilan  ushlab  olib,  chalajon  qorda  tashlab 
ketadilar.  To’rt kundan  so’ng  u mo’g’ullar tomonidan xarob  qilgan Xoyga keladi. 
Bu yerdan u avval Xurosonga bormoqchi bo’lib, biroq u yerlar xavfli bo’lganidan, 
Armaniston,  Diyori  Bakr  va  Ozarboyjondan  qochib  kelgan  aholi  bilan  Berkri 
davonidan o’tib, Mayaforiqinga ketmoqchi bo’ladi.  Qochoqlar davonga yetmasdan 
yana  bir  marta  yo’lto’sarlar  to’dasi  tomonidan  talon-toroj  qilindi.  Oxir  oqibat 
Mayaforiqinda an-Nasaviy ayubiylardan  SHihobiddan Muzaffar G’oziy tomonidan 
iliq kutib  olindi  (hukmdor  uni  1231  yildagi  elchiligi  vaqtidan  bilardi).  SHu  yerda 
an-Nasaviy  xorazmshoh  Jaloliddinning  halokati  haqida  xabar  topdi.  Muzaffar 
G’oziy saroyiga sultonning oti, qurol-aslahasi va kiyimlari olib kelingan edi109.
An-Nasaviyning  «Nafsat  al-masdur»  asari  shu  shaharda  to’rt  yil 
mobaynida  yozib  tugatildi  va  u  Xuroson  ashroflaridan  Sa’daddin  Ja’far  ibn 
Muhammadga  bag’ishlangan.  Bu  zot  1220  yili  Xurosondagi  an-Nasaviy  hokim 
bo’lib turgan Xorendiz qal’asida mo’g’ullar bosqinidan panah topgan edi.  SHuning 
evaziga Mayaforiqinda, menimcha,  Sa’daddin Nasaviyga yaqindan yordam bergani 
va  shu  sababdan  uning  madhi  hamda  hurmatiga  loyiq  bo’lgani  bo’lishi  mumkin. 
Manba  sifatida  Jaloliddin  atrofidagi  shaxslar,  amaldor  va  mansabdorlarning