Al-xorazimiy nomidagi urganch davlat universiteti

45 Ибн ал-Асир.  Ал-Комил фи-т-тарих.  Полниый свод истории.  -   С.  9.
46 Уша жойда.  -   Б.  9-10.
47  Уша жойда.
48  Тарихчи  Ш.  Камолиддин  бу  номдаги  асар  Х,ожи  Халифанинг  “Кашф  уз-зунун”  асарида  тилга 
олинмаганини таъкидлайди.  Каранг:  Ибн  ал-Асир.  Ал-Комил  фи-т-тарих.  Полниый  свод  истории.  Введение
-   С.  10.  (Прим.  17 на стр.  410).
17

---

“Kitob  al-ansob” (Nasablar haqida kitob) asari ma’lumotlaridan foydalangan holda 
uni  uch  jildda  muxtasar  “al-Lubob  fi  tahzib  al-ansob”  (Nisbalarni  to’g’irlashda 
Poklanish)  nomi  bilan  tuzadi.  Shunda  u  as-Sam’oniyning  ba’zi  bir  xato  va 
kamchiliklarini  ham  tuzatgan.  Mazkur  asar  jumodi-l-uvla  oyi,  615/iyul-avgust 
1218  yili  nihoyasiga yetgan va o’sha davrda nusxalari keng tarqalgan bo’lgan.  Ibn 
Xollikon  mazkur  muxtasarning  Sam’oniyning  sakkiz  jildli  nusxasidan  ham 
ko’proq  tarqalganini  alohida  ta’kidlagan49.  Ibn  al-Asirning  “al-Lubob”ini 
873/1468-69  yili  yana  bir  arab  tarixchisi  va  filologi  Jaloladdin  as-suyutiy  (vaf. 
911/1505  y.)  bir  jildgacha  qisqartirib,  uni  “Lub  al-lubob”  (Poklanishning  qalbi) 
deb  nomladi.  Ibn  al-Asir  va  as-Suyutining  asarlari  bizgacha  yetib  kelgan  va 
nashrdan ham chiqqan.
Ibn  al-Asir  qalamiga  mansub  yana  bir  asar  “Usud  al-g’oba  fi  ma’rifati-s- 
sahoba” (Sahobalarni bilishda changalning arslonlari) yoki “Usud al-g’oba fi asmo 
as-sahoba”  (Sahobalar  ismlarida  changalning  arslonlari),  yoki  “Axbor  as  sahoba” 
(Sahobalar  haqida  xabarlar)  bo’lib,  u  olti  jilddan  iboratdir.  Mazkur  asar  ham 
bizgacha yetib kelgan va unda 7554  sahoba haqida ma’lumot mavjud.  Asar Misrda 
(al-Qohira:  Dor ush-SHa’b,  1970) chop etilgan.
Ibn  al-Asirning  ilm  al-bayon  va  ilm  al-balog’aga  bag’ishlangan  “al-Jomi’ 
al-kabir”  (Katta to’plam)  va  o’z zamonasining  qiziqarli  voqealariga bag’ishlangan 
“Tuhfat  al-ajoib  va turfat  al-g’aroib”  (Ajoib tuhfalar va  g’aroib  hadyalar)  asarlari 
ham yetib kelgan50.
Yuqorida aytilganidek Ibn al-Asirga  shuhrat keltirgan asari  “al-Komil  fi-t- 
tarix”  sanaladi.  Muallif  mazkur  asarining  asosiy  qismini  vatani  Qasr  al-Harbda 
yozgan.  Bu yerda Ibn al-Asirning katta va boy kutubxonasi mavjud bo’lgan.  Ba’zi 
xulosalarga  ko’ra,  asar  yozishni  muallif  595/1198-99  yilgacha  boshlagan  va 
avvalboshda  uning  nomi  “al-Mustaqsa  fi-t-tarix”  (Tarixni  tadqiq  qiluvchi  kitob) 
bo’lgan51.