«актуальные вопросы развития социального сектора экономики: отечественный и зарубежный опыт»

 
INTERNATIONAL SCIENTIFIC-PRACTICAL CONFERENCE 
«ACTUAL ISSUES OF THE DEVELOPMENT OF THE SOCIAL SECTOR OF THE 
ECONOMY: DOMESTIC AND FOREIGN EXPERIENCE» 
ANDIJAN, UZBEKISTAN, MAY 2020 
87 
«Иқтисодиётнинг ижтимоий секторини ривожлантиришнинг долзарб масалалари: миллий ва хорижий тажриба» 
«Актуальные вопросы развития социального сектора экономики: отечественный и зарубежный опыт» 
 
ЎЗБЕКИСТОНДА КИЧИК ВА ЎРТА БИЗНЕС МЕЗОНЛАРИНИ 
АНИҚЛАШ ДАВР ТАЛАБИ 
 
Урмонов Жаҳонгир Жалолдинович 
Ўзбекистон Республикаси Миллий гвардияси Ҳарбий-техник
институти доценти, майор, и.ф.д. (DSc),
E-mail: urmonov_jahongir @mail.ru 
 
Аннотация. Мақолада Ўзбекистонда кичик ва ўрта бизнес мезонларини 
аниқлаш давр талаби бўйича илмий таклиф ва тавсиялар ишлаб чиқилган. 
Шунингдек, хориж тажрибалари асосида республика учун кичик ва ўрта 
бизнесни ўлчов мезонлари ишлаб чиқилган. 
Калит сўзлар. кичик ва ўрта бизнес, мезонлар, микрофирма, кичик 
корхона ва ўрта корхона.
Ўзбекистон Республикаси Президенти Шавкат Мирзиёевнинг Олий 
Мажлисга Мурожаатномасида мамлакатимизда олиб борилаётган сиёсий ва 
ижтимоий-иқтисодий ислоҳотлар ҳамда мамлакатимизни 2020 йил ва келгуси
5 йилда ривожлантириш бўйича, устувор йўналиш ва вазифалар белгилаб 
бердилар. 
Таъкидлаш жоизки, мамлакатимизда ўтган йили иқтисодий ўсиш 5,6 
фоизни, саноат маҳсулоти ишлаб чиқариш ҳажми 6,6 фоизга, экспорт – 28 
фоизга, олтин-валюта захираларимиз 2019 йил давомида 2,2 миллиард долларга 
ортиб, 28,6 млрд. долларга етди. Ислоҳотлар натижасида ўтган йили 93 мингта 
ёки 2018 йилга нисбатан қарийб 2 баробар кўп янги тадбиркорлик субъектлари 
ташкил этилган. 
Жаҳон банкининг “Бизнес юритиш” рейтингида 7 поғона кўтарилиб, 
бизнесни рўйхатга олиш кўрсаткичи бўйича дунёнинг 190 та давлати орасида
8-ўринни эгаллаб ва энг яхши ислоҳотчи давлатлар қаторидан жой олди. 
Амалга ошираётган ислоҳотлар жаҳон ҳамжамияти томонидан муносиб 
баҳоланиб, дунёдаги нуфузли нашрлардан бири – “Экономист” журнали 
Ўзбекистонни 2019 йилда ислоҳотларни энг жадал амалга оширган давлат – 
“Йил мамлакати” деб эътироф этди. Бундай баҳо барчамизга чексиз ғурур, 
ифтихор ва куч бағишлайди, янги марраларга руҳлантиради, деб таъкидладилар. 
Мухтарам Президентимиз томонидан мамлакатимизда илм-фанни янада 
равнақ топтириш, ёшларимизни чуқур билим, юксак маънавият ва маданият 
эгаси этиб тарбиялаш, рақобатбардош иқтисодиётни шакллантириш ва янги, 
замонавий босқичга кўтариш мақсадида 2020 йилга “Илм, маърифат ва рақамли 
иқтисодиётни ривожлантириш йили”, деб ном берилиши барчани қувонтирди. 

---