Aktiv schyotlar (A)

Hujjatlashtirish – xo’jalik muomalalarini buxgalteriya hujjatlarida aks ettirish jarayoni.
Ikkiyoqlama yozuv – xo’jalik muomalalarni bir schyotning debetida, ikkinchi bir schyotning kreditida aks ettirishdir.
Inventarizatsiya – aktivlarni haqiqatda mavjudligini o’lchab, sanab, tortib ko’rib, hisob ma’lumotlari bilan taqqoslash jarayonidir.
Joriy qiymat – asosiy vositalarning muayyan bir vaqtda amaldagi bozor baholari bo’yicha qiymati yoki aktivlarni xabardor manfaatdor tomondan o’rtasida almashtirilishi mumkin bo’lgan summasidir.
Kalkulyatsiya – mahsulot (ish, xizmat)ning bir birlik tannarxini aniqlash jarayoni.
Kalkulyatsiya birligi – kalkulyatsiyalash ob’yektining o’lchovidir.
Kalkulyatsiya ob’yekti – tannarxi aniqlanadigan mahsulotdir.
Kapital– xususiy kapital, maqsadli moliyalashtirishlar, kelgusi davr to’lovlari va xarajatlari uchun rezervlardir.
Kartochkalar – xo‘jalik muomalalarini ro‘yxatga olish uchun mo‘ljallangan bir xil shakldagi qog‘oz va kartondan tayyorlangan, maxsus rekvizitlari matbaa usulida bosilgan jadvallardir.
Kassa muomalalari – korxona kassasidan naqd pulni olish va sarflash bilan bog’liq bo’lgan muomalalardir.
Kontr-aktiv schyot (KA) – bu shunday schyotki, moliyaviy hisobotda aktivning sof qiymatini aks ettirish uchun uning qoldig’i u bilan bog’liq bo’lgan aktiv schyotning qoldig’idan chegirib tashlanadi. Bunday schyot passiv schyotlarga mansub bo’lib ko’payishi kreditida, kamayishi debetida aks ettiriladi.
Kontr-passiv schyot (KP) – bu shunday schyotki, moliyaviy hisobotda majburiyat yoki sof qiymatni aks ettirish uchun uning qoldig’i u bilan bog’liq bo’lgan passiv schyotning qoldig’idan chegirib tashlanadi. Bunday schyot aktiv schyotlarga mansub bo’lib ko’payishi debetida, kamayishi kreditida aks ettiriladi.
Korrektura usuli ma’lumotlar hisobot davri uchun jamlangunga qadar topilgan xatolarni tuzatishda qo‘llaniladi. Bu usulda noto‘g‘ri yozuv ustidan, uni o‘qish mumkin qilib, ingichka bitta chiziq tortiladi va yuqorisiga to‘g‘ri yozuv yozib quyiladi. Bunday tuzatish to‘g‘risida tegishli registrning bo‘sh joyiga izoh berilib, xatoni tuzatgan shaxsning imzosi bilan tasdiqlanadi.