Aktiv schyotlar (A)

Buxgalteriya hisobi schyotlari – bu xo’jalik mablag’lari, muomalalarini joriy aks ettirish, iqtisodiy guruhlash va tezkor nazorat qilish usulidir.
Buxgalteriya hisobini tashkil etish – korxonaning moliya-xo‘jalik faoliyati to‘g‘risida ishonchli va o‘z vaqtida axborotlar olish hamda ishlab chiqarish resurslari va tayyor mahsulotlardan foydalanish ustidan nazoratni amalga oshirish maqsadida-hisob jarayonining shart-sharoitlar tizimi va ular elementlarining tuzilishidir.
Buxgalteriya hisoboti – korxonaning ma’lum bir davrdagi faoliyati, yakuniy ko’rsatkichlarni aks ettiruvchi jadvallar yig’indisidir.
Buxgalteriya hujjati – xo’jalik muomalalarining haqiqatda sodir bo’lganligini, bo’layotganligini yoki bo’lmoqchi ekanligini yozma ravishdagi tasdig’igidir.
Buxgalteriya provodkasi – debetlanuvchi va kreditlanuvchi schyot va aks ettiriladigan xo‘jalik muomalasining summasini ko‘rsatishdir.
Buxgalteriya schyotlari – aktivlar, kapital, majburiyatlarap va xo’jalik jarayonlarini alohida harakati va holatini pul o’lchov birligida hisobga olish va nazorat qilishdir.
Daromadlar – hisobot davrida aktivlarning ko’payishi yoxud majburiyatlarning kamayishidir.
Debitor – biror idora, tashkilot yoki muassasadan qarzdor bo’lgan shaxs yoki tashkilot.
Franchayz – bir korxona tomonidan boshqasiga unga qarashli aktivlardan, shu jumladan savdo markalari va shu kabi moddiy aktivlardan foydalanish huquqining berilishi.
Gudvill – korxonani xarid qilish paytida yuzaga keladi va sotib olinayotgan korxona uchun haq hamda uning sof aktivlarining bozor qiymati o’rtasidagi farq.
Hisob siyosati – rahbar tomonidan buxgalteriya hisobini yuritish va moliyaviy hisobot tayyorlash hamda tuzish uchun foydalaniladigan maxsus tamoyillar, qoidalar va amaliy yondashuvlar to‘plamidir.
Hisobda qayd qilish – xo‘jalik muomalalarini hisob registrlariga yozishdir.
Hujjat lotincha «documentum» so’zidan olingan bo’lib, isbotnoma, guvohnomani anglatadi.