Aksiyadorlik kompaniyasi bosh tahririyati

2. «Qovrilmay to g‘ashlik alangasida»  misrasida  shoirni 
qan day g‘ashlik qovurmoqchi deb o‘ylaysiz?
3. Betob shoirning «Xayol og‘ushida orom olayin» tarzidagi 
istagini sharhlang.
4. She’rning uchinchi bandiga alohida e’tibor qiling.
5. Shoirning:  «Shu kungacha o‘zni men cheklab bo‘ldim» 
tar zidagi iqrorini izohlang.
6. So‘nggi misradan siz nima ilg‘adingiz?
7. She’rni yod oling.
Savol  va  topshiriqlar:

---

335
Xayriddin 
Saloh
(1934 –1969)
oyat  qisqa  umri  davomida  bir  qator  yorqin 
she’riy  asarlar  yozib  qoldirishga  ulgurgan 
jo‘shqin  shoir  Xayriddin  Saloh  (Salohiddinov) 
1934-yilning 15-yanvarida Toshkentda tug‘ildi. 
Maktabda  o‘qib  yurgan  paytlaridayoq  badiiy 
so‘zga bo‘lgan qiziqish Xayriddinni keksa shoir 
G‘ayratiy rahbarlik qilgan adabiyot to‘garagiga 
boshlab  keldi.  To‘garakda  bo‘lajak  shoir  Erkin  Vohidov, 
Yusuf  Shomansur,  Sayyor  singari  tengdoshlari  bilan  ijod 
sirlarini o‘rganadi.
X.  Salohning  ilk  she’ri  1950-yilda  bosilib  chiqdi  va 
ko‘p chilikning  e’tiborini  tortdi.  O‘rta  maktabni  tugatgan 
Xayriddin  Toshkent  davlat  pedagogika  instituti  (hozirgi 
Pedagogika  universiteti)ning  tarix-filologiya  fakultetiga 
o‘qishga kirdi va uning kechki bo‘limini 1957-yilda tugat-
di. Shundan so‘ng shoir «O‘zbekiston madaniyati» gazeta-
si,  «G‘uncha»,  «Gul xan»  jurnallarida  adabiy  xodim  bo‘lib 
xizmat qildi.
Turli  yillarda  Xayriddin  Salohning  «Chashma»  (1959), 
«Ikkinchi  imtihon»  (1961),  «Ishqim  va  rashkim»  (1965), 
«Tug‘yon»,  «Na’matak»  (1969),  «Izlar  va  hislar»  (1974), 

---

336
«Shu’lalar  qo‘shig‘i»  (1975),  «Lirika»  (1985)  singari 
she’rlar to‘plamlari bosilib chiqdi. 
Iqtidorli  shoir  Xayriddin  Saloh  yirik  she’riy  janrlarda 
ham  ijod  qilib,  «Laylo»,  «Yangroq  hayot»,  «Toshkent  bi-
lan suhbat» dostonlarini yaratdi. Uning tarjimonlik borasida 
qilgan  xizmatlari  ham  e’tiborga  loyiq.  X.  Saloh  Bayron, 
Heyne, Lermontov, Shevchenko, Hamzatov singari olamga 
mashhur  shoirlarning  ko‘plab  asarlarini  o‘zbek  tiliga  tar-
jima qilgan.
Serqirra  ijodkor  Xayriddin  Saloh  1969-yilning  5-iyuni-
da vafot etgan.