Akbaraliyev Ahrorbek Alisher o`g`li “Kvant effektlari va xossalari” mavzusidagi bitiruv malakaviy ishiga taqriz

Namangan davlat universiteti fizika fakulteti
5A140101-fizika (yo’nalishlar bo’yicha) mutaxassisligi bakalavr
Akbaraliyev Ahrorbek Alisher o`g`li
“Kvant effektlari va xossalari” mavzusidagi bitiruv malakaviy ishiga
TAQRIZ
Bitiruv malakaviy ishi “Kvant effektlari va xossalari” deb nomlanib, uning kirish qismida mavzuning dolzarbligi, yangiligi va ahamiyati batafsil yoritilgan. Ishning asosiy qismi rejalarida mavzuning mazmunini to’liq yoritilishini ta’minlagan.
Ushbu bitiruv malakaviy ishining mazmunini yoritish uchun kerak bo’ladigan asosiy tushunchalar mantiqiy ketma-ketlik bilan keltirilgan va adabiyotlarga murojaatlar aniq ko’rsatilgan. Ishda kvant effektlari va xossalari yordamida spektrial chiziqlarni vaziyatini o`zgarishi va uning sabablari keltirilgan.
Nazariyaga oid kvant mexanikasidagi Shredinger tenglamasi orqali to`la energiya hisoblab chiqilgan. BMI asosiy qismida Zeeman effekti to`laligicha tavsiflangan, ya`ni magnit maydon mavjudligida spektrial chiziqlar bo`linishini nazariy jihatdan formulalar yordamida keltirilgan. Ish oxirida keltirilgan adabiyotlar ishning mazmuniga mos tarzda bo’lib, ishning zamonaviy manbaalar va olingan natijalar asosida yozilganini ko’rsatadi.
Yuqoridagilardan xulosa qilib, Akbaraliyev Ahrorbek Alisher o`g`lining bitiruv malakaviy ishini dolzarb masalalardan biri deyishimiz mumkin.
Men Akbaraliyev Ahrorbek Alisher o`g`lining “Kvant effektlari va xossalari” mavzusidagi bitiruv malakaviy ishini amaldagi nizom talablariga to’la javob beradi deb hisoblayman va uni himoyaga tavsiya etaman.

NamMTI Energetika kafedrasi
dotsenti, f.-m.f.n., PhD B.X.Quchqarov
^{(tashkilot nomi va lavozimi) (familyasi va ismi)}