Ҳакам ҳАҚ эвазига хизмат кўрсатиш шартномаси №2022 йил Тошкент шаҳри

3. ҲАКАМ ФАОЛИЯТИНИ ТАШКИЛ ЭТИШ ТАРТИБИ
3.1. ЎФА Ҳакамнинг жисмоний тайёргарлиги бўйича ФИФА нормативлари ва “Ўйин қоидалари” бўйича назарий имтиҳонларни қандай топширганидан келиб чиқиб, тегишли Мусобақада ҳакамлик фаолиятини юритиши учун ЎзФҲМга тақдимнома киритади. Мазкур тақдимнома ЎФА Футбол фаолиятини назорат қилиш инспекцияси билан келишилган ҳолда ЎзФҲМ директори томонидан тасдиқланади ва шу асосда Ҳакам Мусобақада иштирок этганидан кейин мазкур Шартноманинг 4-бўлимида белгиланган тартибда Ҳакам фаолияти учун ҳақ тўланади.
3.2. Мусобақаларда фаолият олиб борувчи Ҳакамлар рўйхати тасдиқлангач, ЎФА ўз ҳудудий ассоциациялари ҳамда Ҳакамларни бу ҳақда ўз вақтида хабардор қилади.
3.3. Ҳакам ўз мажбуриятларини бажармаса ёки тегишли тарзда бажармаса, уни интизомий жавобгарликка тортиш масаласи “Интизом кодекси”, Регламент ва ЎФАнинг бошқа норматив ҳужжатларига мувофиқ кўриб чиқилади.


4. ШАРТНОМА БЎЙИЧА ҲИСОБ-КИТОБЛАР
4.1. Мусобақаларга ҳакамлик қилгани учун Ҳакам хизматига ҳақ тўлаш ЎзФҲМ томонидан қонунчиликда белгиланган тартибда амалга оширилади. Тўлов миқдори Регламентда кўрсатилган мусобақалар доирасида ЎФА ҳамда ЎзПФЛ билан келишган ҳолда ЎзФҲМ томонидан тасдиқланган миқдорда амалга оширилади.
4.2. Мусобақа ҳакамлиги хизматига ҳақ учун тўловга асос ЎзФҲМга учрашув баённомасининг тақдим этилиши ҳамда ҳакамлик сифати учун ижобий баҳо олиш шарти ҳисобланади.
Тўлов ҳакам бажарган иши бўйича шартнома муддати давомида ҳакам хизмат кўрсатган учрашув баённомаси ҳамда ҳакамлик сифати учун баҳолаш ҳужжатига мувофиқ ҳар ойда бир марта шакллантириладиган ҳисобот асосида ЎзФҲМ томонидан амалга оширилади.
4.3. ЎзФҲМ Регламентда кўрсатилган Мусобақалар учун тўловни амалга оширади. Шунингдек, шартноманинг амал қилиш муддати давомида бошқа идоралар томонидан ўтказиладиган мусобақалардаги ҳакамлик учун тўлов ЎзФҲМнинг ЎФА билан келишган ҳолда бу турдаги мусобақалар учун белгилаган миқдорида мусобақа ташкилотчиси ҳисобидан амалга оширилади.
4.4. Ҳакамлик учун тўловларда Ўзбекистон Республикаси қонунчилигига мувофиқ тегишли солиқ ва йиғимлар, шунингдек ЎзФҲМ томонидан ўрнатиладиган тўловлар белгиланган тартибда ушлаб қолиниши назарда тутилади.
4.5. Ҳакамнинг бошқа даромад манбалари мавжуд бўлса, у Мусобақалардаги иштироки учун йил давомида олган суммаларини солиқ декларациясида кўрсатиши лозим. Солиқ қонунчилиги талабларига риоя этиш учун жавобгарлик Ҳакам зиммасига юклатилади.
4.6. Ҳакамнинг ўз мажбуриятларини тегишли тарзда бажармаслиги, ҳакамлик сифати учун паст баҳо олиши ҳакамлик учун ҳақ миқдорини камайтириш учун асос бўлиб хизмат қилади. Тўлов миқдорининг қай тартибда ва қанчага камайтириш ишини ЎФА кўриб чиқади.
4.7. ЎзФҲМ шартноманинг амал қилиш муддати давомида Ҳакамни доимий тарзда Мусобақадаги фаолият билан таъминлаш мажбуриятини олмайди. Ҳакамнинг Мусобақалардаги иштироки бевосита унга ЎФА томонидан қўйилган талабларнинг бажарилиши билан боғлиқ ҳисобланади.