Akademik yozuv-2 fanidan mustaqil ta’lim topshiriqlarini bajarish bo‘yicha o‘quv-uslubiy ko‘rsatma

Akademik yozuv 2 fanidan talabalarning mustaqil ishlash uchun shaxsiy varaqasi

№	Mustaqil ta’lim mavzulari	Berilgan topshiriqlar	Bajar. muddat.	Hajmi (soatda)
I semester
1	Publitsistik maqola tayyorlash	Istalgan mavzuda publitsistik maqola yozish (5%)	3-hafta	6
2	Ilmiy maqola yozish	Istalgan mavzuda ilmiy maqola yozish (5%)	6-hafta	6
3	Annotatsiya yozish	O‘zi yozgan maqolaga annotatsiya yozish (3%)	7-hafta	6
4	Taqriz yozish	Berilgan maqolalar uchun taqriz yozish (3%)	9-hafta	6
5	Referat yozish	Berilgan mavzuda referat yozish (4%)	12-hafta	6
Jami				30

1. 
   Publitsistik maqola tayyorlash – 5 ball.
   

• 
  Kichik guruhlarga bo‘lingan holda o‘zingiz qiziqqan mavzuda publitsistik maqola yozing.
  
• 
  Maqola 200-300 so‘z atrofida bo‘lishi shart. Lekin maqola mavzusi va mazmuni shaxsning huquqlariga zid bo‘lmasligi, ahloq doirasidan chiqmasligi, hech qaysi, millat, xalq, din vakillariga qarshi bo‘lmasligi kerak. Talabalar fikrlab, muhokama qila oladigan darajadagi mavzu tanlash tavsiya etiladi.
  
• 
  Maqolalar noyoblik darajasi tekshiriladi va ko‘chirilgan maqolalarga hech qanday ball berilmaydi.
  

Maqola quyidagi me’zonlar asosida 5 ballik tizimda baholanadi.

	Talablar	Ball
1	Maqola sarlavhasi mazmuniga mos keladi	0,5
2	Maqolaning barcha tarkibiy qismlari mavjud (kirish, asosiy qism, xulosa)	0,5
3	Maqola qismlari mantiqan bir-biriga bog’liq	0,5
4	Maqolada voqeealar bayoni yoki fikrlar izchil berilgan	0,5
5	Maqola yetarlicha informativ	0,5
6	Maqolada aniq ma’lumotlar yoki faktlardan foydalanilgan	0,5
7	Uslub to‘g’ri tanlangan	0,5
8	Imlo xatolari mavjud emas	0,5
9	Maqolada muallif o‘z fikrlarini aniq ifodalagan va ularni aniq ma’lumotlar asosida isbotlagan	0,5
10	Maqola mavzusi to‘liq yoritib berilgan	0,5
	Jami	5 ball

2. 
   Ilmiy maqola yozish – 5 ball.
   

• 
  Mutaxassisligingiz bo‘yicha o‘zingiz qiziqqn mavzuda ilmiy maqola yozing.
  
• 
  Ilmiy maqola yozishda an’anaviy yoki xalqaro standarddan foydalanishingiz mumkin.
  
• 
  Maqolalar noyoblik darajasi tekshiriladi va ko‘chirilgan maqolalarga hech qanday ball berilmaydi.
  
• 
  Texnik talablar: hajmi 3-5 bet, atrofida qoldiriladigan boʻsh joylarning hajmi hamma tomondan 2,5 sm, interval (satrlar oraligʻidagi masofa) 1,5 sm, shrift – Times New Roman, rangi qora, kattaligi 12 mm.
  

Maqola quyidagi me’zonlar asosida 5 ballik tizimda baholanadi.

	Talablar	Ball
1	Maqola aniq mavzuni yoritishga asoslangan	0,5
2	Maqolaning barcha tarkibiy qismlari mavjud (sarlavha, annotatsiya, kalit so‘zlar, kirish, asosiy qism, xulosa, adabiyotlar)	0,5
3	Maqola qismlari mantiqan bir-biriga bog’liq	0,5
4	Kirish qismda mavzuning dolzarbligi ochib berilgan. ushbu ilmiy izlanishning maqsadi va ahamiyati aniq tushuntirilgan.	0,5
5	Asosiy qism maqolaning 80-90%ini tashkil etadi	0,5
6	Uslub to‘g’ri tanlangan	0,5
7	Imlo xatolari mavjud emas	0,5
8	Texnik talablarga javob beradi	0,5
9	Xulosada natijalar muhokama qilingan	0,5
10	Maqola yozishda shu mavzudagi kamida 3 ta adabiyotdan foydalanilgan va u ko‘rsatilgan	0,5
	Jami	5 ball

Ilmiy maqola – bu mustaqil ilmiy tadqiqot bo’lib, u dolzarb ilmiy muammo bo’yicha o’z fikrlarini bayon qilishdir

Maqolaning asosiy qolipi:

• 
  Maqola sarlavhasi
  
• 
  Annotatsiya
  
• 
  Kalit so'zlar
  
• 
  Asosiy qism
  
• 
  Adabiyotlar
  

kabi qismlardan iborat bo'ladi.
Ilmiy maqolalarda zamonaviy ilm-fan sohalarining nazariy yoki amaliy asoslarini rivojlantirishga tadqiqotchining shaxsiy hissasi nimadan iborat ekanligi iloji boricha yorqinroq ifodalanadi.
Ilmiy maqolaning sarlavhasi qisqa va loʻnda boʻlishi, ayni vaqtda imkon qadar mohiyatan material mazmunini aks ettirishi lozim.
Maqolaning dastlabki qismida oʻzbek, rus va ingliz tillarida qisqa va loʻnda shakldagi annotatsiya (maqolaning qisqacha mazmuni) hamda kalit so'zlar keltirilishi lozim.
Ilmiy maqola, odatda, tuzilish jihatidan bir nechta qismga boʻlinadi. Maqolaning kirish qismida muhokama etilayotgan mavzuning dolzarbligi taʼriflanadi va asoslab beriladi, shuningdek, tadqiqot sohasi, obyekti va predmeti, tadqiqotning maqsadi, vazifalari muammo sifatida qoʻyiladigan masalaning yechimi, taklif etilayotgan yechimning nazariy va amaliy ahamiyati haqida fikr bildiriladi.
Maqolaning asosiy qismida olib borilgan ilmiy izlanish doirasida qoʻllanilgan tadqiqot uslublari taʼriflanadi, tadqiqotning toʻplangan va ilmiy jihatdan tahlil qilingan umumiy natijalari keltiriladi. Odatda, bu qism hajm jihatdan maqolaning 80-90% ni tashkil etadi. Bundan tashqari, asosiy qismda olingan natijalarning ilmiy jihatdan yangiligi va amaliy jihatdan sinovdan oʻtkazish natijalari haqida maʼlumotlar keltiriladi.
Maqolaning yakuniy qismida kirish qismida qoʻyilgan masalaning yechimi sifatida baholanadigan ilmiy-nazariy, amaliy ahamiyatga molik xulosa va tavsiyalar keltiriladi. Ilmiy izlanish nima maqsadda, kim/nima uchun amalga oshirilgani haqidagi fikrlar bilan yakunlanadi hamda olib borilgan ilmiy izlanish natijalarining ijtimoiy yoki iqtisodiy samarasi haqida fikr bildiriladi.