Қайта тайёрлаш ва уларнинг малакасини ошириш

Коррекцион
– бузилиш ва ортда қолишни тузатиш. 
Профилактик
– бузилиш ва ортда қолишни олдиндан аниқлаш. 
Ривожлантирувчи
- тараққиѐт мазмунини бойитиш, оптималлаштиришга 
қаратилганлик. Шу 3 та дастурларнинг биргаликда олиб борилиши кутилган 
натижаларни бериши мумкин. 
- Коррекция ва психологик диагностиканинг бирлиги тамойили. Бу 
тамойил амалий психолог иши сифатидаги мижозни ривожлантириш ва унга 
психологик ѐрдам бериш алоҳида, яхлит жараѐн эканини акс эттиради. 
- Каузал кўринишдаги коррекциянинг устуворлиги. Йўналишига қараб
коррекциянинг икки тоифаси фарқланади: симптоматик ва каузал. 
Симптоматик коррекция мазкур тараққиѐт қийинчиликларининг ташқи 
аломатларини бартараф этишга қаратилса, каузал тоифадаги коррекция 
мазкур муаммоларни вужудга келтираѐтган сабабларни йўқ қилишга

---

80 
қаратилади. Иккинчи тоифадаги коррекция ўз устуворлигини 
йўқотмаслиги лозим. 
- Коррекциянинг фаолиятга доирлиги тамойили. Мазкур тамойилнинг 
назарий асослари А.Н.Леонтьев, Д.Б.Эльконин асарларида ишлаб чиқилган.
Унинг диққат марказида боланинг психик тараққиѐтида фаолиятнинг алоҳида 
ўрни мавжудлиги туради. 
- Мижознинг ѐшга доир психологик ва индивидуал хусусиятларини 
инобатга олиш тамойили. Мижознинг психологик ва индивидуал 
хусусиятларини ҳисобга олиш тамойилини мижознинг психик ва шахс 
ривожланишининг норматив тараққиѐтига ижобий таъсир этади. Шуни 
алоҳида таъкидлаш керакки, мижоз хусусиятларини ҳисобга олиш, уни ўз 
йўлини ўзи белгилашига йўл очади. 
- Психологик таъсир кўрсатиш методларининг комплекслилиги 
тамойили. Методлардан комплекс таъсир этиш тамойили коррекцион таъсир
кўрсатиш программаларини тузишда амалиѐтчи-психолог турли методлар 
ва техникалардан фойдаланиши лозимлигини эътироф этади. Кўпгина чет эл 
психологлари томонидан тадбик этилган методлар психоанализ,бихевиоризм, 
гуманистик психология, гештальтпсихология каби илмий мактабларнинг 
назарий негизларини очиб беради. Лекин ҳеч қайси методика ва техника 
биттагина назарияга боғланган эмас. 
- Коррекцияга мижознинг ижтимоий муҳитидаги яқин кишиларни 
жалб этиш тамойили. Бу тамойилда мижознинг психик тараққиѐти унинг 
атрофидагиларнинг роли билан белгиланиши мумкинлигини эътироф этади. 
Бола ўз ѐнидаги катталар билан алоқадор холда, биргаликдаги фаолияти 
орқали баҳоланади. Зотан бола теварак-атрофдагилардан ажралган ҳолда 
эмас, балки улар билан биргаликда ривожланади. 
- Психик жараѐнлар тузилмасининг турли даражаларига таяниш 
тамойили. Коррекцион дастурларни тузишда яхши тараққий этган психик 
жараѐнларга суяниш ва уларни активлаштирувчи методлардан фойдаланиш 
мақсадга мувофиқдир. 
- Дастурлаштирилган таълим бериш тамойили. Аввал психолог билан 
биргаликда, кейинчалик мустақил равишда бажариш орқали зарурий 
малакаларни шакллантирувчи бир қатор изчил муолажалардан иборат 
дастурлар яхши самара беради. 
- Мураккабликка тадрижий ўтиш тамойили. Бу принципда коррекцион 
ишлар тадрижийлиги назарда тутилган. Мазкур тамойил мижознинг ўзи 
бажараѐтган ишидан завқлана олишига ва коррекцион ишга унинг 
қизиқишини орттиришга ѐрдам беради. 

---

81 
- Берилаѐтган материалнинг ҳажми ва мураккаблилик даражасини 
ҳисобга олиш тамойили. Коррекцион дастурни амалга оширишда яъни 
материалнинг янги ҳажмини беришдан олдин у ѐки бу кўникма ва 
малакаларни нисбатан шаклланганлигига эътибор бериш лозим. 
- Материалнинг эмоционал мураккаблигини инобатга олиш 
тамойили. Ўтказилаѐтган ўйинлар, машғулотлар, таклиф этилаѐтган материал 
яхши эмоционал фоннинг вужудга келишига ѐрдам бериши керак. Коррекцион 
машқлар ижобий эмоционал фон билан якун топиши мақсадга мувофиқ.