Қайта тайёрлаш ва уларнинг малакасини ошириш

1- мавзу: Психологик тарғибот ва ташвиқот ишлари 
 
Режа: 
1. Психологик ташвиқот ва тарғибот ишлари тўғрисида тушунча
2. Психологик ташвиқот ва тарғибот ишларида рекламанинг роли
3. Мактаб амалиѐтчи психологи томонидан психологик маърузаларни олиб 
борилиши
Таянч иборалар:
психологик маърифат, тарғибот ва ташвиқот 
ишлари, психологик тарғибот ва ташвиқот ишларининг шакллари: маъруза, 
суҳбат, семинар-тренинглар, ўзини бошқариш психотехника. 
 
1. Психологик ташвиқот ва тарғибот ишлари тўғрисида тушунча 
Мактаб амалиѐтчи психологи мактабнинг педагогик жамоасини, 
ўқувчиларни ва ота-оналарни психологик билимларни эгаллашга жалб этиш, 
уларнинг психологик маданиятини ошириш мақсадида турли машғулотлар, 
ўқувлар, маърузалар уюштириб боради, бу унинг психологик ташвиқот ва 
тарғибот иши ҳисобланади. Мактаб амалиѐтчи психологи бу ишларни тўғри 
ташкил этиш учун таълим жараѐнида психологнинг мажбуриятларини билиши 
лозим. 
Психолог таълим тизимида фаолият юритар экан ташвиқот 
вазифаларини ҳам амалга оширади. Бунда у педагогик кенгашларда, ота-
оналар мажлисларида, ўқувчилар олдида маъруза қилиш орқали психологик 
билимларни тарғибот ва ташвиқот қилади. Шу билан биргаликда ОАВда, яъни
илмий ва оммабоп журнал, газеталарда мақолалар чоп эттириш ҳамда радио ва 
телевидениеда психологик билимларни оммалаштириш билан шуғулланади. 
Психологик маърифат ва ташвиқотнинг вазифалари қуйидагилардан 
иборат: 

ўқувчиларга энг оддий психологик билимларни бериш ва уларнинг 
бу билимларни эгаллашига эришиш, тенгдошлари ва катталар билан 
шахслараро муносабатларга киришиш, ўзларининг шахсий сифатлари ва 
характер хусусиятлари, қобилиятлари, лаѐқатларига баҳо бера олиш билан 
боғлиқ бўлган билишга оид қизиқишларини ривожлантириш; 

ўқувчиларда ўқув жараѐнига, ўқитувчилар ва тарбиячилар билан 
мулоқотга ижобий муносабатни шакллантириш; 

ўсмирлар, йигит ва қизларнинг жинсий тарбияси, уларнинг оила 
психологияси ва оилавий муносабатлар, шахсий гигиена ва касалликларнинг 
олдини олиш соҳасидаги билимларни эгаллашига эришиш; 

---

24 

ҳар бир болага индивидуал ѐндашувни амалга оширишда 
педагоглар, тарбиячилар, ота-оналар ѐки қонуний вакилларнинг психологик 
компетентлигини ошириш; 

индивидуал суҳбатлар, очиқ дарслар, семинарлар ва маслаҳатлар, 
шунингдек, оммавий ахборот воситалари орқали психологик билимларни 
тарғиб қилиш.
 
Психологик маърифат ва ташвиқот - мактабнинг педогогик 
жамоасини, ўқувчиларни ва ота–оналарни психологик билимларни эгаллашга 
жалб этиш, уларнинг психологик маданиятини ошириш мақсадида турли 
машғулотлар, ўқувлар, маърузалар уюштиришдан иборатдир.
Умумий ўрта таълим мактаблари амалиѐтчи психологларини психологик 
маориф ва ташвиқот йўналишидаги ишлари мазмуни қуйидагиларни ташкил 
қилади: 
- ўқувчилар, ўқитувчилар, ходимлар ижодий фаолияти маҳсулдорлиги, 
тўгараклар фаоллигини кўтаришнинг тадбирларини ишлаб чиқиш, уларнинг 
имкониятларини текшириш, касб маҳоратларини эгаллаш бўйича мусобақалар, 
мунозаралар ташкил қилиш;
- ўқувчилар, ўқитувчилар, ходимлар ўртасида бўш вақтни тақсимлаш ва 
ундан омилкорлик билан фойдаланиш муаммосини ижтимоий - психологик
нуқтаи- назардан текшириш ва бўш вақтни мақсадга мувофиқ ташкил қилиш 
йўллари ҳамда улардан этнопсихологик билимлар, маънавий қадриятларни 
эгаллашда фойдаланиш имкониятини психологик жиҳатдан таҳлил қилиш; 
- ўқувчиларнинг талаби, эҳтиѐжи, қизиқиши, ижтимоий қарашлари, 
нуқтаи назари, маслаги, турмушга нисбатан муносабати тўғрисида 
маълумотлар тўплаш ва уларнинг фаоллигини ошириш юзасидан тавсиялар 
ишлаб чиқиш; 
- тарбия ва таълимнинг янги методлари самарадорлигини текшириш ва 
психологик таҳлил қилиш;
- халқ таълими тизимининг барча бўғинлари ва босқичларида маъруза 
ўқиш, ота–оналар йиғилишида, метод бирлашма кенгашларида иштирок қилиш 
орқали муаллимлар, ота-оналарнинг психологик маданиятини оширишга 
эришиш.