Ajoyib olam “Shimoliy hayvonlar va ularning yashash sharoiti” “Yovvoyi hayvonlar olamiga sayohat”

14-yanvar Askar so’ziga tushuncha top.
Мaqsad : Tarbiyalanuvchilarda Vatan tuyg’usini shakllantirish, 14 – yanvar – Vatan himoyachilari kuni ekanligi va bolalar qalbida milliy armiyaga nisbatan muhabbat, milliy g’urur hissini tarbiyalash.Bolalarda g’urur va iftixor tuyg’ularini uyg’otish, Vatanni himoya qilish har bir yigitning burchi ekanligi va askarlar, Vatan posbonlariga bo’lgan mehrini uyg’otish, ularni havas va hurmat qilishga o’rgatish.
Kerakli jihoz va materiallar: “14 – yanvar – Vatan himoyachilari kuni” mavzusidagi rasm
Fan va tabiat faoliyatning borishi:
Tarbiyachi:
– Bolalar, 14 – yanvar – Vatan himoyachilari kuni. Vatan himoyachilar bu – bizning askar yigitlarimiz, sizning aklaringiz bo’ladilar. Siz esa ularning o’rinbosarlari bo’lasiz , chunki tez kunda ulg’auib, Vatanimiz posbonlariga aylanasiz. Askar yigitlar Vatanimizni dushmanlardan himoya qiladilar va chegaralarimizni qo’riqlaydilar. Ular yurtimiz tinch bo’lishi uchun kecha-yu kunduz sergak turadilar. Men sizlarga askarlarimiz haqida she’r o’qib beraman.
Yurt qalqonlari.
Dilshod Rajab
O’zbekiston – hur Vatan,
Baxtimiz ayvonidir.
Armiyamiz mustahkam,
Ona yurt qalqonidir.
Harbiy xizmat faxrimiz,
Bu – mardlar maydonidir.
Jasur askar akalar –
Ona turt qalqonidir.
She’rim sizlarga yoqdimi? Kelinglar, hozir sizlar bilan “Askar so’ziga tushuncha top” o’yinini o’ynaymiz. Men sizlarga savollar beraman. Qani, kim aytadi? YUrtimizni kimlar qo’riqlaydilar?

Bolalar:
– Askarlarimiz!

Tarbiyachi:
–Askar qanday bo’lishi kerak?
Bolalar:
– Askar – qo’rqmas.
Askar – botir.
Askar – baquvvat.
Askar – jasur.
Askar – chaqqon, epchil.
Askar – o’z Vatanini sevishi kerak.
Askar – harbiy bilimga ega bo’lish kerak.
Askar – harbiy texnika va qurollardan foydalana olishi kerak.

Tarbiyachi:

– Harbiy bilim - mahorat, askarlar haqida qanday hikmatlar bor?

Birinchi bola:

– Askari baquvvat mamlakat boy bo’ladi.

Ikkinchi bola:

– Askarning intizomi – armiyaning tayanchi.

Uchinchi bola:

– Mashqda qiyin bo’lsa, jangda oson bo’ladi.

To’rtinchi bola:

– Har bir askar – tinchlik posboni.
Tarbiyachi :
– Askarlar qanday texnikalardan foydalanadi?
Bolalar:
– Raketa, samolyot , vertolyot, tank, yuk mashinalari.
Tarbiyachi:
– Harbiy unvonlardan qaysilarini bilasiz?
Bolalar:
– Oddiy askar, serjant, starshina, leytenant, kapitan, general, mayor , podpolkovnik, polkovnik.