Tayanch tushunchalar: Abusaid Ko‘chimov, she’rlar, g‘oyalar, Vatan , Bobolari, O’zbek nega uxlamaydi she’rlari va b.
Abdusaid Ko’chimov hayoti va ijodi
Abdusaid Ko‘chimov
VATAN
Boshingda osmonu, qoshingda quyosh,
Tasviring chizolmay musavvir halak.
Shoir so‘z axtarib qotiradi bosh,
Buloqday qaynaydi oshufta yurak.
Parivash jamolin qiladi ko‘z-ko‘z,
Bag‘ringda barq urgan har gul, har qiyoq.
Faqat shoiringga yetishmaydi so‘z,
Faqat musavvvirga yetmaydi bo‘yoq.
SIR
Fosh qilding, deb sirimni O‘rtog‘ingga aytasan.
Aytarmidi siringni Unga o‘zing aytmasang?
BOBOLARI
— E, bu falonchining nabirasimi?
Bobosi mard edi, bag‘ri keng, o‘ktam.
Unisinikini... eslayolmadim,
Biz ham qarib-churub qoldik-da, bo‘tam.
Qarang, ketganiga yuz yil bo‘lsa ham
“Falonchi” bobomiz o‘lmagan edi.
“Unisi” dunyoni tark etganiga
Hali ikki yil ham bo‘lmagan edi...
O‘ZBEK NEGA UXLAMAYDI?
Hazil O‘zbegimning tantanayu to‘ylari ko‘p:
Yugur-yugur shomu sahar to‘xtamaydi.
Yarmi bedor — elu yurtga osh beray deb
, Yarmi esa — osh yeyman deb uxlamaydi.
Do'stlaringiz bilan baham: |