Aholi sonining tanlama statistik kuzatuvini tayyorlash va o‘tkazish chora-tadbirlari

V. Kuzatuv natijalarini umumlashtirish va tayyorlash
20. Hududiy statistika boshqarmalari:
aholi punktlari bo‘yicha to‘ldirilgan so‘rovnomalarni turkumlaydilar;
har bir aholi punkti bo‘yicha so‘rovnomalarga tartib raqami qo‘yadilar;
so‘rovnomalarning savollariga so‘z bilan yozilgan javoblarni kodlashtiradilar;
maxsus dasturiy ta’minlashdan foydalangan holda kodlashtirilgan ma’lumotlarni hududiy elektron ma’lumotlar bazasiga kiritadilar;
materiallarni avtomatlashtirilgan tarzda umumlashtiradilar;
elektron axborotning dastlabki nazorati va tahlilini amalga oshiradilar;
olingan natijalarni Qoraqalpog‘iston Respublikasi, viloyatlar va Toshkent shahri bo‘yicha umumlashtiradilar;
umumlashtirilgan elektron ma’lumotlarni Davlat statistika qo‘mitasiga taqdim etadilar.
Kuzatuvning to‘ldirilgan so‘rovnomalarini umumlashtirish uchun hududiy statistika boshqarmalari tomonidan umumlashtiriladigan so‘rovnomalar sonidan kelib chiqib ma’lumotlarni umumlashtirish bo‘yicha shartnoma asosida mutaxassislarning zarur soni qo‘shimcha ravishda jalb etiladi.
To‘ldirilgan so‘rovnomalarning asl nusxalari ular umumlashtirilgandan keyin hududiy statistika organlari tomonidan doimiy saqlash uchun Davlat statistika qo‘mitasiga beriladi.
21. Davlat statistika qo‘mitasi:
hududiy statistika boshqarmalaridan olingan axborot asosida respublika bo‘yicha kuzatuv natijalarining elektron ma’lumotlar bazalarini shakllantiradi;
kuzatuv natijalarini mantiqiy nazorat qiladi;
kuzatuv natijalarini tahlil qiladi;
olingan ma’lumotlarni aholini joriy hisobga olish ma’lumotlari bilan taqqoslaydi;
aholining uzil-kesil statistika ko‘rsatkichlari hisob-kitobini amalga oshiradi;
yakuniy ma’lumotlarni Respublika komissiyasiga taqdim etadi.
Aholining uzil-kesil statistika ko‘rsatkichlarini shakllantirishda tanlab kuzatish natijalari Davlat statistika qo‘mitasi tomonidan maxsus ishlab chiqilgan metodikaga muvofiq butun aholiga tatbiq etiladi.
22. Respublika komissiyasi:
Davlat statistika qo‘mitasi tomonidan taqdim etilgan kuzatuv natijalarini va joriy hisobga olishni ko‘rib chiqadi;
tushgan axborotni tahlil qilish asosida tegishli o‘zgartirishlarni Qoraqalpog‘iston Respublikasi, viloyatlar va Toshkent shahri aholisi sonining statistika ko‘rsatkichlariga kiritish to‘g‘risida qaror qabul qiladi;
kuzatuv natijalari bo‘yicha Vazirlar Mahkamasiga aholi soni to‘g‘risidagi statistika ma’lumotlariga kiritiladigan o‘zgartirishlar to‘g‘risida axborot taqdim etadi.
23. Respublika komissiyasi tomonidan qabul qilingan qarorlar doimiy yashovchi aholi sonini bundan keyin joriy hisobga olish va statistika hisob-kitoblarni tashkil etish uchun asos hisoblanadi.
24. Kuzatuv ma’lumotlarini to‘plash, kiritish va umumlashtirishda qatnashadigan shaxslarni mukofotlash pulini hisoblab chiqish O‘zbekiston Respublikasi Moliya vazirligi bilan kelishgan holda Davlat statistika qo‘mitasi tomonidan belgilanadigan tartibda amalga oshiriladi.
Aholi sonining tanlama statistik kuzatuvini o‘tkazish va yakunlarini chiqarish metodikasiga
1-ILOVA

Aholi sonining tanlama statistik kuzatuvini o‘tkazish va yakunlarini chiqarish metodikasiga
2-ILOVA