Ahmedovich ahmedov, akmal abzalov

Abu  Ali  ibn  Sino  (980–1037)  jahon  madaniyatiga  buyuk  hissa  qo‗shgan 
olimlardan biridir. Yirik ensiklopedist olim sifatida u o‗z davri ilmining deyarli 
barcha  sohalari  bilan  shug‗ullangan.  Turli  yozma  manbalarda  uning  450  dan 
ortiq  asar  yozganligi  eslatiladi.  Bizgacha  uning  240  ta  asari  yetib  kelgan.  Ibn 
Sino asarlari orasida «Tib qonunlari» asari tibbiyot ilmining qomusi bo‗lib, o‗rta 
asr tibbiyot ilmi taraqqiyotini oliy cho‗qqisi hisoblanadi.  
Ibn  Sino  tibbiyot  tarixida  fizioterapiya  asoschilaridan  biri  hisoblanadi. 
Kishi  organizmiga  tashqi  muhit  ta‘siri  muhimligini  bilgan  alloma  ayrim 
kasalliklar  suv  va  havo  orqali  tarqalishini  bayon  etgan,  ya‘ni  u  kasallikning 
yuqishi masalasini hal etishga yaqinlashgan edi. Kasallikning ba‘zilari yuqumli 
bo‗ladi.  Bular  moxov,  vitir,  chechak,  vabo,  yiringlagan  yaralar  kabi 
kasalliklardir.  Xususan,  bular  odamlarning  turar  yerlari  tor  bo‗lganda,  ya‘ni 
aholi zich yashagan joylarda shuningdek, shamol va boshqalar orqali tarqaladi.  
Abu  Ali  ibn  Sinoning  falsafiy  va  tabiiy-ilmiy  qarashlari  uning  jahonga 
mashhur asari «Kitob ash-shifo», ya‘ni «Davolash kitobi»da bayon etilgan. Bu 
asarda  materiya,  fazo,  vaqt,  shakl,  harakat,  borliq  kabi  falsafiy  tushunchalar, 
shuningdek matematika, kimyo, botanika, zoologiya, geologiya, astronomiya va 
psixologiya kabi fanlar haqida fikrlar bayon etilgan.  
Ibn Sinoning tog‗larning vujudga kelishi, yer yuzining davrlar o‗tishi bilan 
o‗zgarib  borishi,  zilzilalar  bo‗lishi  kabi  turli  tabiiy  jarayonlar  haqidagi  fikrlari 
geologiya ilmining rivojlanishiga katta ta‘sir qildi.