Ахмедов Фурқат Қўлдошевич Абдулахатов Акрамжон Рўзмаматович Хайитов Олимжон Тошевич

ИЛМИЙ ЭКСПИДИЦИЯЛАРДА ОТАХОН ПОЛВОНЛАР, 
ЕТАКЧИ МУРАББИЙЛАР ВА ТАНИҚЛИ СПОРТЧИЛАРНИНГ 
КУРАШ ХАҚИДАГИ ФИКРЛАРИ 
Ўзбек курашининг миллий ва умуминсоний қадрият эканлиги, унинг 
комил инсон тарбиясида тутган ўрни ва аҳамиятини ўрганиш мақсадида 
муаллифлар томонидан муаммога доир адабиётлар таҳлили билан 
бирга,илмий экспидициялар ташкил этдик. Жумладан
Термиз, 
Самарканд, Бухоро, Хива, Қарши, Шахрисабс, Китоб шахарларида курашда 
фаолият кўрсатган отахон полвонлар етакчи мураббийлар ва таниқли, юқори 
натижаларга эришган спортчилар билан суҳбатлар ўтказилди. Уларга турли 
хил саволлар билан мурожаат қилинди. Баъзиларининг фикрлари видео 
ёзувларга олинди. Олинган маълумотлардан наъмуналар келтирилади.
Худойберди полвон Маҳмудов. 1939 йилда Сурхондарё вилояти Ангор 
туманида туғилган. Курашимизнинг жонкуярларидан бири. Тўй ва сайлларда 
чиройли усулларни қўллаган ва ғолиб бўлган. Фарзандларини ҳам шу руҳда 
тарбиялади. Кекса полвон, таниқли мураббийнинг 10 - нафар ўғил фарзанди 
бор, уларнинг ҳаммаси кураш билан шуғулланади. Улардан 2 таси 
Маҳтумқули Маҳмудов (2000 й. Туркия ) ва Равшан Маҳмудовлар (2007 й. 
Мўғилистон) кураш бўйича жаҳон чемпиони бўлганлар. Қолган ўғиллари ҳам 
Республика, Халқаро турнирлар, Осиё, Жаҳон биринчиликларининг ғолиби 
ва совриндорлари бўлишган.
Муаллифлар билан сухбат чоғида фахрий полвон,Ўзбекистонда хизмат 
кўрсатган спорт мураббийси, шундай дейди. “Бир полвонни тайёрлашга, 
натижа кўрсатиши учун кўп йиллик тинимсиз меҳнат керак. Йиллар 
мобайнида полвон билан мунтазам машғулотлар олиб бориш, албатта, зарур. 
Аммо фақат машғулотнинг ўзи бунинг учун етарли эмас. Ваҳолангки, 
полвонларни доимо назоратда тарбиялаб бориш зарур. Полвонни тайёрлашда 
қуйидагиларни инобатга олиш керак: 
полвоннинг руҳи тоза ва тетик бўлиши лозим: 
полвон доимо жисмини тоза тутиши, вақтида дам олиши ва етарлича 
овқатланиши лозим: 
полвон эътиқодли ва ориятли бўлмоғи керак. Буни, албатта мураббий 
назоратга олиши лозим, (суҳбат.Термиз 2011 йил 22 октябръ).