Ахмедов Фурқат Қўлдошевич Абдулахатов Акрамжон Рўзмаматович Хайитов Олимжон Тошевич

Истомин Александр Алексеевич Тошкент Давлат Иқтисодиёт 
университети профессори, Халқаро тоифадаги спорт устаси, Халқаро 
тоифадаги ҳакам, Ўзбекистон Республикасида хизмат кўрсатган мураббий. 
Александр Алексеевич Истомин 1942 йил 28 декабрда Россия 
Федерациясининг Курск вилоятида туғилган.. Александр Алексеевич 
Истомин 1960 йили Ўзбекистон Давлат Жисмоний тарбия институтига 
ўқишга кирган. 
Талабалик йилларида собиқ Иттифоқ чемпиони, Ўзбекистонда хизмат 
кўрсатган мураббий, самимий устоз Владимер Петрович Гуляев устозлигида 
таҳсил олган, эркин кураш сирларини ўрганган. Александр Алексеевич 
Истомин ўзининг тиришқоқлиги, меҳнатсеварлиги ва қатъияти билан 
бошқалардан узил-кесил ажралиб турарди. У катта спорт майдонига 
бамисоли тўфондек ёриб кирди. У бирин-кетин ғалабаларга эришиб, тез 
орада спортчилар ва спорт мухлислари тилига тушди. Уларнинг ҳурмат-
эътиборини қозонди. Эркин, юнон-рум, самбо, дзюдо курашлари билан 
шуғулланган. Александр Истомин 1964 йилда Ўзбекистон Давлат жисмоний 
тарбия институтини тугатгач, 1985 йилгача спорт кураши кафедрасида 
ишлади. Кураш спорт турлари, айниқса, эркин кураш унинг ҳаёт мазмунини 
ташкил этди. У тўла маънода фаолиятини эркин курашнинг сиру-синоатини 
ўрганишга ва ёш авлодни ўргатишга бахшида этди. У талабалик йилларидаёқ 
бир қатор республика, собиқ Иттифоқ ва халқаро спорт майдонларида 
ўтказилган мусобақаларининг совриндори ва ғолиби бўлиб, Ўзбекистон 
Республикаси спортининг шону-шуҳратини оширди. 
Александр Истомин ўзининг кўп йиллик фаолияти давомида ўқитиш, 
иш, фан, спорт ва ҳакамлик йўналишларида самарали меҳнат қилиб 
келмоқда. У эркин кураш бўйича фахрийлар ўртасида уч карра жаҳон 
чемпиони бўлди. У кўплаб мутахассис ўқитувчилар ва мураббийларнинг 
севимли устози самимий дўстига айланган инсон. Шунинг учун ҳам у 
кўпгина ютуқларга сазовор бўлди ва эл-юртнинг обрў-эътиборини қозонди. 
А.Истомин ўз иш фаолияти жараёнида, юнон-рум, самбо, дзюдо курашлари 
бўйича минглаб шогирдлар тайёрлади. Улардан кўпчилиги республика, собиқ 
Иттифоқ, Европа, Осиё ва жаҳон чепионатларининг ғолиб ва совриндорлари 

---

41 
бўлишган. Александр Истоминнинг шогирди Абдулла Тангриевнинг спорт 
майдонларида эришган ютуқлари фикримиз исботидир. Шу ва шунга ўхшаш 
далил-мисолларнинг мураббийлик фаолиятидан жуда кўплаб келтириш 
мумкин. Александр Алексеевич ана шу хизматлари учун “Ўзбекистон 
Республикасида хизмат кўрсатган мураббий” унвони билан тақдирланган, 
кўплаб илмий мақолалари, ўқув қўлланма ва дарсликлари учун дастлаб 
доцент, сўнгра профессорлик илмий унвонларига сазовор бўлди. Унинг 
биргина 1993 йилда “Ибн Сино” нашриётида чоп этилган “Дзюдо кураши” 
ўқув қўлланмаси болалар ва ўсмирлар спорт мактабларида, спорт 
коллежларда, Жимоний тарбия институтларида дзюдо кураши бўйича 
мураббий-педагог бўлиб ишловчи ёш мутахассисларга мўлжалланган.