Ахмедов Фурқат Қўлдошевич Абдулахатов Акрамжон Рўзмаматович Хайитов Олимжон Тошевич

 
 
 
 

---

82 
ЖАХОН ЧЕМПИОНАТЛАРИ ВА ХАЛҚАРО ТУРНИРЛАР 
ХАҚИДА МАЬЛУМОТЛАР 
Барча спорт турининг ўзига хос тарихи мавжуд бўлгани каби курашнинг 
ҳам тарихий тарақиётига эга. Биз бу бўлимда кураш бўйича ўтказилган 
расмий мусобақалар хақида маълумот берамиз.
Мустақилликдан кейин кураш бўйича мамлакат чемпионатлари хар йили 
ўтказиб келинмоқда. Кураш бўйича биринчи жаҳон чемпионати 1999 
йилнинг 1-2 май кунларида Тошкент шаҳрида бўлиб ўтди. Белорус пойтахти 
Минск кураш бўйича биринчи Европа чемпионатига мезбонлик қилди. 
Аёллар ҳамда эркаклар иштирок этган кураш бўйича биринчи Осиё 
чемпионати 2001 йилнинг апрел ойида Тошкент шаҳрида бўлиб ўтди. 2001 
йилнинг июл ойида Жанубий Африканинг Хартенбос шаҳрида Африка 
қитъасининг биринчи қитъа чемпионати бўлиб ўтди. Биринчи Пан Америка 
чемпионати эса 2002 йилнинг март ойида Боливия пойтахти Ла-Пас шаҳрида 
бўлиб ўтди. Кураш шу қадар шиддат билан юксала бордики тез орада бир 
қанча ўзбек полвонлари ўзларининг маҳорати, куч-қудрати билан жаҳонга 
танилди. Чет элларда ҳам ўзбек полвонлари билан беллаша оладиган курашга 
чиндан меҳр қўйган полвонлар етишиб чиқдилар. Бунинг исботи сифатида 
кураш бўйича I - жаҳон биринчилиги 1999 йили Тошкент (Ўзбекистон), II - 
жаҳон биринчилиги 2000 йили Анталия (Туркия), III - жаҳон биринчилиги 
2001 йили Будапешт (Венгрия), IV -жаҳон биринчилиги 2002 йили Ереван 
(Арманистон), V - жаҳон биринчилиги 2005 йили Тошкент (Ўзбекистон), VI - 
жаҳон биринчилиги 2007 йили Улан-Батор (Мўғилистон), VII - жаҳон 
биринчилиги 2009 йили Алушта (Украина), VIII -жаҳон биринчилиги 2011 
йили Термиз (Ўзбекистон), IХ - жаҳон биринчилиги 2013 йили Истанбул 
(Туркия), Х - чи жаҳон биринчилини 2015 йили Хуррамобод (Эрон), XI- 
жахон биринчилиги 2017 йил Истанбул (Туркия) XII- жахон биринчилиги 
2019 йил (Корея) шаҳрида бўлиб ўтиши курашнинг жаҳон бўйлаб янада 
қанот ёяётгани исботидир 
Бугунги кунда мамлакатимиз спорти ривож топиб, спортчи ёшларимиз 
маҳорати янада ортиб бормоқда. Мамлакатимизда яратилаётган қулай шарт 
шароитлардан унумли фойдаланган ёшларимиз халқаро спорт ареналарида 
юқори натижаларни қўлга киритиб келишмоқда. Ўзбек ўғлонлари курашда 
мард ва ҳалол курашадилар. Рақибининг курагини ерга текказадилар. 
“Ҳалол” атамаси янграйди-ю, буни эшитган ҳақиқий ўзбек йигити 
рақибининг қўлидан тутиб, туришгада кўмақлашади. Мана бу майдондаги 
энг катта жасорат. Бу жасорат камтарлик, беназирлик, ватанпарварлик 

---

83 
ҳисларила уйғунлашиб, жило касб этиб боради, кўп вақтлар одамлар қалбига 
жо бўлади. Одамларга бу ажиб ҳиссиётни фақат курашгина бера олади. 
Бошдаги ақл оёқларга, юрақларда жўш уриб турган Ватан туйғуси белга, 
йигитлик шаъни эса билақларга қувват беради. Ўзбек йигитлари ана шундай 
курашган.
Тўйларда, байрамларда полвонлар ўртага тушиб кураш туширишган, 
халқимиз эса уларни олқишлаб туришган. Ҳа, ўзбек йигитлари ошини ҳалол 
еб, бахтга ўз кучлари билан, эзгу амаллари билан эришган. Бу йўлда иссиқни 
иссиқ, совуқни совуқ демаган. Ана, курашимизнинг қадри, инсоннинг эзгу 
туйғулари ила уйғунлашган мардлар майдони, бахт остонасининг энг равон 
аммо сермашаққат йўли.
Кураш бўйича ўтказилаётган мусобақалар дунё ахлига ёркин 
таасуротлар, завку сурур улашмоқда. Буларнинг барчаси ўз кураши 
умуминсоний қадрият сифатида муносиб ўрин олишга хақли эканлигининг 
тасдиғидир. Айтиш лозимки, спортчиларимиз йирик мусобақалар, 
чемпионатлар, биринчиликларда қатнашиб, ўзининг қандай халқ вакили 
эканини, жисмоний ҳамда интеллектуал маҳоратини намойиш қилмоқда. 
Буларнинг ҳаммаси Ватанимиз шуҳратини жаҳонга ёймоқда, Ўзбекистонда 
қандай авлод вояга етаётганини амалда кўрсатмокда. Ватан, халқ шуҳратини 
дунёга тараннум этишда спортнинг ўрни беқиёсдир. Жаҳон миқёсидаги 
кўплаб нуфузли мусобақаларда ўзбек ёшлари эришаётган ғалабалар бу 
ҳақиқатни тасдиқлаб турибди.