Ахборот тизимлари ва технологиялари Кириш

Биринчи босқич – бу автоном файлларда жамланувчи ахборот тизимларидир. Уларнинг бу файлларни қайта ишлаш ва натижавий ахборотни амалга оширувчи автоном файллар тўплами ва амалий дастурлар комплекси (мажмуи)дан ташкил топади.
Иккинчи босқич- бу маълумотлар банки (МБн).
Маълумотлар банки – бу маълумотларни марказлашган сақлаш ва жамоа бўлиб фойдаланиладиган автоматлаштирилган ахборот технологияларидир.
Автоматлаштирилган ахборот технологиялари икки турда бажарилади:

1. 
   Тизимнинг автоном бажарилиши, бунда автоматлаштирилган ахборот технологиялари бошқа тизимлар таркибига кирмай, мустақил фойдаланилади.
   
2. 
   Автоматлаштирилган ахборот технологиялари бошқа тизим таркиби сифатида амалга оширилиши.
   

Автоматлаштирилган ахборот технологиялари турли хил белгилари бўйича таснифланади:
- маълумотларни сақлаш тури бўйича;
- маълумотларни қайта ишлаш характери бўйича;
- бошқарувни автоматлаштирилиши ва маълумотлар интеграцияси даражаси бўйича;
- тарқатилиш даражаси бўйича.

Иқтисодий объектни бошқаришнинг автоматлаштирилган ахборот тизими – иқтисодий объектнинг мақсадидан келиб чиқадиган талабларга мувофиқ ахборотларни йиғиш, қайта ишлаш, тақсимлаш, тақдим этиш учун мўлжалланган стандарт процедуралар, ходимлар, дастурий воситалар, асбоб-ускуна, маълумотларнинг ўзаро боғланган мажмуидир.

Мазкур тизим биргаликда ҳаракат қилувчи компьютерлар ва телекоммуникациялар, компьютер ахборот маҳсулотларини ишлаб чиқиш ва қарорлар қабул қилишни қўллаб-қувватлаш учун мўлжалланган.
Шуни қайд этиш лозимки, ахборот алмашув жараёни инсоннинг эшитиш, кўриш, англаш аъзолари орқали қабул қилинадиган нутқ, маълумот ёки тасвирлар билан бошланади ва тугайди. Келадиган-чиқадиган бу элементлар ўртасида компьютерлашган ахборот тизимида турли даражадаги электрон маҳсулотлар бўлади. Булар-операцион тизимлар, маълумотлар базаларини бошқариш тизими, амалий дастурий таъминот ва ахборотнинг ўзидир. Ушбу ахборот ва дастурий воситалар ҳамда компонентлардан кўпинча айнан бир пайтда ва ўша вақтда фойдаланиб бўлмайди. Шунинг учун ҳам бундай ахборот тизимларининг ўзига хос томони шундаки, маълумотларни қайта ишлаш жараёни вақтида улар аралашиб кетади.