Ахборот технологиялари ва статистика

Мавзунинг ўрганилганлик даражаси. Халқаро туризм, жаҳон туризм бозори, меҳмонхона туризми каби масалалар билан чет эл олимларидан: Даналу Ландберг, М.Кчишналлар, Майк Ставенга, А.Кондраътев ва бошқа кўплаб олимлар ўз фикр мулоҳозоларини билдиришган.
Мамлакатимизда ушбу соҳада фаолият юритаётган қуйидаги олимларни илмий изланишларни алоҳида эътиборга лойиқ: Камилова Ф.Қ., Ирматов М.М, Маматқулов Х.М., Бектемиров А.Б., Тўхлиев И.С., Норчаев А.Н., Қудратов Ғ.Х., Пардаев М.Қ.
Тадқиқот мақсади ва вазифалари. Тадқиқотнинг асосий мақсади иқтисодиётни модернизациялаш шароитида Ўзбекистонда халқаро туризм соҳасида олиб борилаётган ишларни “Ўзбектуризм” миллий компанияси маълумотлари асосида ўрганиш ва статистик таҳлил қилиш ҳамда мамлакатимизда халқаро туризм соҳасида мавжуд бўлган айрим муаммоларни ҳал қилиш йўлларини, туризмни ривожлантириш борасида илмий ва амалий таклифлар беришга қаратилган. Шу билан бир қаторда, туризм соҳасида етакчи бўлган давлатлар тажрибаларидан фойдаланилган ҳолда уни ўзимизда жорий қилиш ва амалга ошириш лозим бўлган вазифалар ва чора-тадбирларни белгилашдан иборат.
Белгиланган мақсадга мувофиқ битирув малакавий ишида қуйидаги вазифаларни ҳал қилиш назарда тутилган:

• 
  Ўзбекистонда халқаро туризм ривожланишининг назарий ва услубий асосларини ўрганиш;
  
• 
  халқаро туризмни ривожланишига таъсир этувчи омилларни аниқлаш;
  
• 
  Ўзбекистонда туризмнинг ривожланишини ифодаловчи кўрсаткичларни статистик таҳлил қилиш;
  
• 
  “Ўзбектуризм” миллий компаниясининг иш фаолиятини статистик таҳлил қилиш;
  
• 
  Ўзбекистонда халқаро туризм ривожланишида ахборот технологиялари ва инвестицион ресурслардан фойдаланишнинг асосий жиҳатларини кўрсатиб беришдан иборат.
  

Тадқиқотнинг объекти. Тадқиқотнинг объекти бўлиб, Ўзбекистон Республикаси туризм соҳасида ягона давлат сиёсатини олиб борувчи “Ўзбектуризм” миллий компанияси ҳисобланади.
Тадқиқотнинг предмети. Тадқиқот предмети бўлиб, республикамизда халқаро туризмни ривожлантиришда туристик фаолиятни янада такомиллаштириш бўйича қабул қилинган қонунлар, Президент фармонлари, Вазирлар Маҳкамаси қарорлари, Давлат дастурлари, “Ўзбектуризм” МК томонидан ишлаб чиқарилган йўриқнома ва харакатлар дастури, хориж ва маҳаллий мутахассисларнинг илмий-услубий ишлари ҳисобланади.