Ахборот хизматлари учун амалий қЎлланма

Мониторинг якунларини пресс-клипинг (газета ва журналлар 
тўплами, сайтдаги маълумотларни босиб чиқариш ва ҳоказо) кўринишида 
тузиб, у билан ҳокимни таништиринг.

---

84
Матбуот анжуманида нима қилиш 
керак?
Матбуот анжуманида нима қилмаслик 
керак?
Матбуот конференциясидан бир неча кун олдин 
ахборот хизмати ходимлари таклифномалар 
тайёрлаб, ОАВ вакилларига жўнатишлари керак. 
Бу ОАВ матбуот анжуманида у ёки бу ходимнинг 
иштирок этишини режалаштириш учун керак.
Сизга бирор сабабдан ёқмайдиган ёки номаъқул 
журналистни эътибордан четга қолдириш тўғри 
бўлмайди. Унга масалани муҳокама қилишда 
иштирок этиш ва ўз фикрини билдириш имконини 
бериш керак. Журналистлар билан яхши алоқада 
бўлиш доимо ҳокимликнинг ишчанлик обрўсига 
ижобий таъсир кўрсатади.
Таклифномада матбуот анжумани ўтказиладиган 
жой, сана ва вақт, муҳокама қилинадиган масалалар 
рўйхати, шунингдек, асосий иштирокчиларнинг 
фамилияси ва лавозими кўрсатилиши керак. 
Таклифномада мурожаат қилиш учун ташкилотчилар 
билан боғланиш мумкин бўлган ахборотни 
кўрсатинг.
Таклифномада ОАВнинг тадбирга қизиқишини 
сусайтирмаслик мақсадида матбуот анжуманида 
кўтариладиган асосий масалаларни батафсил санаб 
ўтиш, айниқса, шарҳлаш тавсия этилмайди.
Матбуот анжуманини ўтказиш кунини 
белгилаётганда журналистларни йиғишга халақит 
берадиган асосий омилларни инобатга олган маъқул. 
Тадбирни ҳафта охирига тайинлаган маъқул, бу 
вақтда газеталар нашрга тайёрланган бўлади ва 
журналистларда бўш вақт топилади.
Матбуот анжуманини бошқа ташкилотлар 
томонидан матбуот учун бирор-бир тадбир 
белгилаган куни ўтказмаган маъқул.
Тарқатилган таклифномалар сони доим ҳам тадбирга 
келган иштирокчилар сони билан мос келмаслигини 
эътиборга олиш керак. Матбуот анжумани 
иштирокчиларини рўйхатдан ўтказишни ташкил 
қилинг. Буни муҳокама қилинган масалалар юзасидан 
нашр қилинган ва эфирга узатилган материаллар 
орқали матбуот анжумани самарадорлигига 
берилган баҳо сифатида кўриш мумкин.
Матбуот анжуманида иштирок этмаганликлари 
учун ОАВ раҳбарлари ва журналистларга эътироз 
билдириш ўринли эмас. Мазкур ОАВнинг 
диққатини тортиш учун нима қилиш кераклигини 
кейинги гал ўйлаб кўринг.
Муҳокама қилинадиган масалани яхши биладиган 
кишини модератор этиб тайинланг. Матбуот 
хизматининг раҳбари кўпчилик журналистларни 
яхши билиши ва ҳокимликда ваколатли шахс 
ҳисобланиши инобатга олинадиган бўлса, айнан у 
модераторликка мосдир.
Муҳокама қилинадиган мавзу билан нотаниш бўлган 
кишини, гарчи у моҳир нотиқ бўлган тақдирда ҳам, 
модератор этиб тайинлаш тўғри бўлмайди.
Матбуот конференцияси савол-жавобга асосланади. 
Масалани муҳокама қилишга кетадиган вақтни чўзиб 
юборманг. Матбуот анжумани “давра суҳбати”дан 
шуниси билан ажралиб туради.
Матбуот анжуманини давра суҳбатига 
айлантирмаслик керак. Матбуот анжуман мунозара 
олиб бориладиган жой эмас.
Журналист кутилмаган саволни берса, унга 
кейинроқ жавоб беришни ваъда қилиш ва, албатта, 
ваъданинг устидан чиқиш керак.
Сизга ноқулай савол учун журналистга нисбатан 
эътиборсизлик қилманг ва танқид қилманг. Қитмир 
саволлар бериш унинг журналистлик ҳуқуқи. Уни 
танқид қилиб, ахборот хизмати ва ҳокимликнинг 
обрўсини тушириб юборишингиз мумкин.
Журналистларни ахборот хизмати томонидан ушбу 
тадбир учун тайёрланган махсус ахборот пакети 
билан таъминлаш лозим.
Фурсатдан фойдаланиб, ахборот пакетини ҳокимлик 
фаолиятининг бошқа йўналишлари тўғрисидаги 
маълумотлар билан тўлдирмаслик керак.
Тадбир тугагач, матбуот конференцияси натижалари 
бўйича ОАВда чоп этилган барча материалларни 
таҳлил этиш керак.
Агар матбуот анжуманидан сўнг, журналист 
материални чоп этмаган бўлса, уни душманлар 
қаторига қўшиб қўйиш ва муносабатларни узиш 
тўғри бўлмайди. Балки, хизмат қилаётган нашрнинг 
йўналиши бу мавзуни ёритишни тақозо этмайди.

---