Ахборот хизматлари учун амалий қЎлланма

4.2. аХБОрОт ХиЗМати ХОДиМЛариНиНГ иШ КУН 
тартиБи
ахборот хизмати ходимининг тахминий иш кун тартиби қуйидаги 
ҳаракатларни ўз ичига олиши керак.
●
Ҳар бир иш кунини режалаштириш мажлисидан бошлаш керак, мажлис 
20 дақиқадан ортиқ давом этмагани маъқул. Унда вазифалар ва уларнинг 
ижрочилари белгилаб олинади. Ахборот хизмати ходимлари олдинги 
кунда бажарилган ишлар юзасидан ҳисобот берадилар, шунингдек, асосий 
масалалар: учрашувлар, тадбирлар, ОАВга интервью ва ҳоказолар юзасидан 
ўз фикр-мулоҳазаларини билдиради. Ахборот хизмати раҳбари шу кун учун 
топшириқлар беради. 
●
Иш куни мобайнида ахборот хизмати ходимлари ҳокимликнинг турли 
тузилмаларига, зарурат бўлса, бошқа ташкилотларга, тегишли расмий 
талаб юборган ҳолда, ҳоким учун керакли ахборотни тўплаши керак. 
Бундан ташқари, ахборот хизмати ходимлари ҳар куни ҳокимлик фаолияти 
юзасидан ягона фикрни ишлаб чиқиш учун телефон орқали бошқа матбуот-
хизматларидаги ҳамкасблари билан мулоқотда бўлади. Ахборот хизмати 
раҳбари ҳоким томонидан ҳар куни раҳбар ходимлар учун ўтказиладиган 
эрталабки мажлисда иштирок этиши лозим. Ахборот хизмати ходимлари 
раҳбарият ва ҳокимлик ходимларини содир бўлаётган ва ташкилот 
10
Райзберг Б.А., Лозовский Л.Ш., Стародубцева Е.Б. Современный экономический 
словарь. – М.: Инфра-М, 2006

---

61
фаолиятига, унинг мавқеига таъсир кўрсатиши мумкин бўлган воқеалар, 
нашр этилган материаллардан хабардор қилиб туриш учун янгиликларни 
таҳлил қилиб борадилар.
●
Шунингдек, аҳоли билан учрашиш, уларнинг оғзаки ва ёзма шикоятлари 
ва мурожаатларини қабул қилиш учун ҳам вақт ажратиш лозим. Агар 
бирор тадбир ёки матбуот анжумани ўтказишни режалаштирилган бўлса, 
тайёргарликни бир неча кун олдин бошлаш керак. Бу ҳақда қўлланманинг 
кейинги параграфларида сўз юритамиз.
 
●
Ахборот хизмати ходимларининг иш тартиби ҳокимлик иш тартибига 
мос бўлиши керак.
Маслаҳат: Ахборот хизмати хонаси эшигида ва сайтида иш кун 
тартибини, фуқаролар мурожаат қилиши учун раҳбарнинг телефон 
рақами ва электрон почтаси манзилини ёзиб қўйинг.