“ахборот хавфсизлиги”

Компьютер вируслари ва уларнинг классификацияси
«Компьютер вируслари» -компьютер тизимларида тарқалиш ва ўз-ўзидан қайтадан тикланиш (репликация) хусусиятларига эга бўлган бажарилувчи ёки шархланувчи кичик дастурлардир. Вируслар компьютер тизимларида сақланувчи дастурий таъминотни ўзгартириши ёки йўқотиши мумкин.
Барча компьютер вируслари қуйидаги аломатлари бўйича классификацияланиши мумкин:

• 
  яшаш муҳити бўйича;
  
• 
  яшаш муҳитининг захарланиши бўйича;
  
• 
  зараркунандалик таъсирнинг хавфи даражаси бўйича;
  

ишлаш алгоритми бўйича.
Яшаш муҳити бўйича компьютер вируслари қуйидагиларга бўлинади:

• 
  тармоқ вируслари;
  
• 
  файл вируслари;
  
• 
  юклама вируслар;
  
• 
  комбинацияланган вируслар.
  

Файл вируслари бажарилувчи файлларга турли усуллар билан кирити лади (энг кўп тарқалган вируслар хили), ёки файлйўлдошларни (компанъ­он вируслар) яратади ёки файлли тизимларни (linkвируслар) ташкил этиш хусусиятидан фойдаланади.
Юклама вируслар ўзини дискнинг юклама секторига (boot секторига) ёки винчестернинг тизимли юкловчиси (Master Boot Record) бўлган сек торга ёзади. Юклама вируслар тизим юкланишида бошқаришни олувчи дастур коди вазифасини бажаради.
Макровируслар ахборотни ишловчи замонавий тизимларнинг макро дастурларини ва файлларини, хусусан MicroSoft Word, MicroSoft Excel ва ҳ. каби оммавий муҳаррирларнинг файл хужжатларини ва электрон жадвалларини заҳарлайди.
Тармоқ вируслари ўзини тарқатишда компъютер тармоқлари ва электрон почта протоколлари ва командаларидан фойдаланади. Баъзида тармоқ вирусларини "қурт" хилидаги дастурлар деб юритишади. Тармоқ вируслари Internet қуртларга (Internet бўйича тарқалади), IRCқуртларга (чатлар, Inter­net Relay Chat) бўлинади.
Яшаш муҳитининг захарланиши усули бўйича компьютер вируслари қуйидагиларга бўлинади:

• 
  резидент;
  
• 
  резидент бўлмаган;
  

Резидент вируслар фаоллашганларидан сўнг тўлалигича ёки қисман яшаш муҳитидан (тармоқ, юклама сектори, файл) ҳисоблаш машинасининг асосий хотирасига кўчади. Бу вируслар, одатда, фақат операцион тизимга рухсат этилган имтиёзли режимлардан фойдаланиб яшаш муҳитини захарлайди ва маълум шароитларда зараркунандалик вазифасини бажаради.