Агзамходжаев Т. С., Хайдаров М. Б. Исмаилова М. У толипов М. Г., Бабаниязов К. К

Тромбоцитов Фонио усули ёрдамида миқдорий аниқлаш

• 
  Панченков капилляри билан 14% ли магний сернокислый ёки 6% ли этилендиаминтетраацетат (ЭДТА) эритмасидан 25 мкл олинади («75» белгисигача) ва пробиркага қуйилади;
  

• 
  бармоқдан капиллярни тўла қилиб қон олинади ( «0» белгисигача, 100 мкл га тенг) ва қон пробиркага қуйилади;
  
• 
  пробиркани яхшилаб чайқатиб, аралашмадан суртма тайёрланади, фиксацияланади ва Романовский — Гимза усули билан бўялади. Агар стабилизатор сифатида магний сернокислый эритмаси олинган бўлса, бўяш давомийлиги 2–3 соатни, ЭДТА эритмаси ишлатилган бўлса — 30–45 минутни ташкил этади;
  
• 
  суртма четига — ингичка қисмига — иммерсион ёғ сурилади;
  
• 
  1000 эритроцит саналганда учраган, тромбоцитлар миқдори хисобланади
  

1 мкл қондаги эритроцитларни ва 1000 эритроцитга тўғри келадиган тромбоцитлар сонини билиб, 1 мкл қондаги тромбоцитларни санаш мумкин.
Тромбоцитларнинг миқдорий таркиби
норма: 180–320 х 10⁹/л (200–400 х 10⁹/л)
Тромбоцитлар сони ортади:

• 
  миелопролифератив жараёнларда (эритремия, миелофиброз);
  
• 
  сурункали ялллиғланиш касалликлари ( бўғимларнинг ревматоид шикастланиши, ярали колит,туберкулез, остеомиелит, жигар циррози);
  
• 
  ёмон сифатли хосилалар (рак, лимфома, лимфогранулематоз);
  
• 
  қон кетиш, гемолитик анемия;
  
• 
  мегалобластик анемиялардан тузалиш даври;
  
• 
  операциялардан кейин;
  
• 
  спленэктомиядан кейинги холат;
  
• 
  кортикостероидлар билан даволанганда.
  

Тромбоцитлар сонининг камайиши (тромбоцитопения):

• 
  тромбоцитлар хосил бўлишининг камайиши билан боғлиқ, наслий тромбоцитопениялар (туғма тромбоцитопения, Уискотт — Олдрич синдроми, Бернар — Сулье синдроми, Чедиак — Хигаси аномалияси, Фанкони синдроми, ЯТЧ лар қизилчаси, гистиоцитоз);
  
• 
  қон касалликлари (апластик анемия, мегалобласт анемиялар, лейкозлар);
  
• 
  суяк кўмиги зарарланиши (саратон метастазлари, сил билан зарарланиши, ионизирловчи нурланиш);
  
• 
  бошқа касалликлар (циклик тромбоцитопения, пароксизмал кечки гемоглобинурия, гемолитико-уремик синдром, буйрак етишмовчилиги, жигар касалликлари, томирлар, талоқ ўсмалари, эклампсия, гипертиреоз, гипотиреоз);
  
• 
  инфекциялар (вирусли, бактериал, риккетсиозлара, малярия, токсоплазмоз, ОИТ-инфекция);
  
• 
  хомиладорлик, менструация;
  
• 
  дори препаратлари таъсирида (цитостатиклар, анальгетик, антигистамин воситалар, антибиотиклар, психотроп дорилар, диуретиклар, талвасага қарши препаратлар, витамин К, резерпин, дигоксин, гепарин, нитроглицерин, преднизолон, эстроген ва х.к.);
  
• 
  алкогол, оғир тузлар таъсири;
  
• 
  тромбоцитлар йўқотилиши кучайиши натижасида юзага келадиган, тромбоцитопениялар (тромбоцитопеник пурпура, гиперспленизм, ТҚТИ-синдром, қон кетишлар,гемодиализ).
  

Қон пластинкалари эритроцитлар гурухли спецификлигига мо келадиган, гурухли спецификликка эга. Буни тромбоцитар масса куйишда эътиборга олиш зарур.