Agronomiya va biotexnologiya fakulteti

Topologik jihatdan moslik – bu vektor ma’lumotlarning topologik xossalariga qo’yilgan barcha talablarni qanoatlantirishidir. Topologik moslikning talablari raqamli karta tuzish uchun foydalanilgan ma’lumotlar turkumiga bog’liq ravishda o’zgarishi mumkin, ammo barcha holatlarda ular aniq ifodalangan bo’lishi shart. Barcha vektorli raqamli kartalar uchun qo’llanilishi mumkin bo’lgan vektorli ma’lumotlarning topologik mosligiga quyidagi umumiy talablarni belgilash mumkin

• 
  maydonli obyektlar chegaralari yopilgan bo’lishi kerak, ya’ni konturning dastlabki nuqtasi koordinatalari oxirgi nuqta koordinatalari bilan bir xil bo’lishi kerak;
  
• 
  chiziqli obyektlarning uzilishiga yo’l qo’yilishi mumkin emas;
  

^10.21 ( Почвозащитное и ресурсосберагающее земледелие: Теория и методика исследований. FAO-CYMMIT, Анкара, 2015. – 175 с. ISBN978-92-5-408795-1.)

Agar ma’lumotlarni topologik vektorli modeli ishlatilayotgan bo’lsa, yana yuqoridagi talablarga quyidagilarni qo’shish lozim:

• 
  konturli obyektlar chegarasi sifatida ishlatiladigan chiziqlar kesishish joyida tugunlar hosil bo’lishi, chiziqlar esa alohida konturli elementlariga bo’lingan bo’lishi kerak;
  
• 
  berk chiziqli poligonning chegarasi hisoblanmaydigan har bir chiziqning boshlang’ich va oxirgi nuqtalari boshqa chiziqlar nuqtalari bilan tutashishi va tutashgan joylarda tugunlar hosil qilishi, ya’ni har bir chiziqlarning oxirgi nuqtasi boshqa chiziqlarning biror nuqtasi bilan ulanishi va ayniqsa, ikkinchi qator parallel chiziqlari bo’lmasligi kerak.
  

Raqamli kartaning to’liqligi quyidagi ko’rsatgichlar bilan belgilanadi: raqamli kartaning pasportini bo’lishi; uni to’ldirishni to’liqligi va to’g’riligi; obyekt tarkibi va tasnifining to’liqligi va h.k.