Agronomiya va biotexnologiya fakulteti

38 – rasm. Bodring va makkajo’xorida ruh yetishmasligi

Ruhli o’g’itlarni birinchi navbatda nam yetishmaydigan ishqorli va kuchsiz ishqorli tuproqlarda g’o’za, uzum va mevali ekinlar uchun qo’llash kerak

K o b a l ‘ t - o’simlik quruq moddasining 1 kg da 0,02-11 mg atrofida bo’lib, u asosan gul changchlarida to’planib, uning rivojlanishini tezlashtiradi. Kabol’t vitamini V tarkibiga kirib, uning yetishmasligi hayvonlarda moddalar almashinuvini bo’zilishiga olib keladi. Tuganak bakteriyalar faoliyatini yaxshilashda kabol’tni ahamiyati juda katta. Ba’zi bir ma’lumotlarga qaraganda kabol’t dukkakli, bug’doy, uzum, qand lavlagi kabi ekinlarga samarali ta’sir ko’rsatar ekan.

Kobal’tning yetishmasligi neytral va ishqoriy tuproqlarda, avvalo dukkakli ekinlarda namoyon bo’ladi. Shuning uchun ham, bo’z tuproqlar boshqa oziq elementlari bilan to’liq ta’minlanganda, kabol’tning ekinlar hosildorligi va sifatini oshirishdagi samarali ta’siri yanada kuchliroq namoyon bo’ladi.