Agrokonsalting

Nazorat uchun savollar.

1. 
   Mikrofirmalarning o‘ziga xos xususiyatlari?
   
2. 
   Maslahatning roli va ixtisoslashuvi?
   
3. 
   Konsultativ loyihalar va korxonalarning hayotiy sikli?
   
4. 
   Qishloq xo‘jaligini rivojlantirishda e’tibor qaratish kerak bo‘lgan sohalar?
   
5. 
   Kichik biznesda konsultatsion innovatsiyalar?
   
6. 
   Tadbirkorlik faoliyatini rivojlantirishda boshqaruv masalalari bo‘yicha maslahatlar.
   
7. 
   Qishloq xo‘jaligi mahsulotlariniqayta ishlashni tashkil etish bo‘yicha qanday muammolar mavjud?
   
8. 
   Binolarni sabzavot saqlash omborxonalariga rekonstruksiya qilish biznes- rejasini tuzishda agrokonsalting xizmatining o‘rni?
   

19- MAVZU. KIChIK KORXONALARNI TAShKIL QILISh VA BOShQARISh BO‘YIChA MASLAHATLAR
Darsning maqsadi: Talabalarga kichik korxonalarni tashkil qilish va boshqarish yo‘llari, kichik korxonalar uchun qulay muhit yaratishning o‘ziga xos xususiyatlari haqidagi bilimlarni berish.
Amaliy mashg‘ulot rejasi:

1. 
   Kichik korxonalar haqida tushuncha va ularni rivojlanishida konsultatsiyalarning o‘rni.
   
2. 
   Korxonaning hayotiylik siklida konsultativ vazifalar.
   
3. 
   Kichik korxonalar uchun qulay muhit yaratishning o‘ziga xos xususiyatlari.
   
4. 
   Kichik biznes konsaltingida innovatsiyalar.
   

Darsga oid jihozlar: Markerlar, flamaster, plakatlar. kerakli adabiyotlar, tarqatma materiallar.
Darsning tuzilishi: Tashkiliy daqiqa, guruhlarda ishlash, bahs-munozara, dars yakuni.
Kichik biznes o‘z faoliyatining turi, maqsadi va korxonani joylashgan joyiga ko‘ra rivojlanish darajasiga ko‘ra ko‘p qirrali hisoblanadi. Ishlab chiqarishni “kichik” sifatida ta’rif berish uchun bir qancha ishchilar, ma’lum miqdordagi pul mablag‘lari, kapital investitsiyasi, energiyadan foydalanishning maksimal quvvati yoki bularning boshqa kombinatsiyalari va boshqa omillar asosiy xususiyatlar sifatida qaralishi mumkin. “ILO” ta’riflaganidek “Bu har bir mamlakatning o‘ziga, ya’ni ishlab chiqarishning (mikro) kichik va o‘rta sinfiga ta’riflarini belgilaganligiga bog‘liq”.boshqaruv konsultantlari tomonidan ko‘plab bahs munozaralarda ushbu masala yuzasida quyidagicha fikrlar beriladi: kichik biznes ma’muriyat va amaliyot boshqaruvi korxonada muhim qarorlarni qabul qila oluvchi bir yoki ikki shaxslar qo‘lida bo‘ladi. Bu kabi amaliy ta’riflar kichik biznes ta’riflarini deyarli 85 % ni tashkil etadi.
Ko‘pchilik rivojlanayotgan davlatlarda kichik korxonalar tomonidan xususiy konsultantlar xizmat uchun haq tarzida keng yoyilmagan. So‘nggi izlanishlar shuni ko‘rsatadiki, biznesning rivojlangan xizmatlarining keng qatori o‘z ichiga konsultatsiyani ham normal biznes aloqalriga joylashtirgan holda o‘z ichiga olmoqda . bu esa risklarni pasaytirmoqda. Ko‘pincha konsalting xizmatlari kichik korxonalarni xizmatlarini kengaytirish uchun hukumat homiyligida moliyalashtiriladi. bu esa o‘z o‘rnida davlat fondlarini ishlatish to‘g‘rimi degan katta bahs munozaraga olib keladi, xususan, bu fondlar xizmtalr ta’minoti uchun ishlatiladimi yo‘qmi kabi munozaralar ko‘payadi . joriy ssenariy bo‘yicha kengaytirilgan xizmatlar agentligi kichik korxonalarga kirishda tashabbuskorlikni o‘z qo‘llariga olishgan va tadbirkorlarni joyida maslaxat va xizmatlar bilan ta’minlashmoqda.bunday yordamlar quyidagi harakatlarni o‘z ichiga olishi mumkin:
• menejment, mehnat tashkilotlari va ishlab chiqarish dizayni, rivojlantirish va moslashishning barcha jihatlari bo‘yicha maslaxat berish; asosiy urg‘u narxni hisoblash, buxgalteriya va moliyaviy rejalashtirishga qaratilishi mumkin;
• pudrat va inventarizatsiyani o‘z ichiga olgan ichki va tashqi marketing;
• materiallarni sotib olish;
• texnologiya tanlash va texnik muammolarni yechish,
• moliyani potensial manbalari bo‘yicha maslahatlar berish va moliyalash manbalarini yig‘ish uchun yordam berish;
• ishchi va menejerlarni shug‘ullantirish talablarini aniqlash;
• hukumatning tartibga solish yo‘nalishlarini va soliqlar, korxona registratsiyasi, litsenziya olishi, grantlari bilan bog‘liq hujjatlar bilan ishlash tizimi bilan tanishtirish;
• pudrat shartnomalari va eksportni rag‘batlantirish ustuvor bo‘lgan joyda nazorat sifati standartlashtirish
Kichik korxonalarni qo‘llab quvvatlashning eng samarali yo‘llaridan biri- bu huquqiy va me’yoriy muhitni yaratib beruvchi ijobiy siyosatni yaratishdir. Ushbu siyosat va tartibga solish normalari ikki keng vazifalarni o‘z ichiga oladi:

1. 
   ular hukumatga makroiqtisodiyotni izchil va oldindan ko‘ra bila olib boshqarish orqali, barqaror ijtimoiy va iqtisodiy maqsadlarga erishish imkoniyatini beradi
   
2. 
   ular mikroiqtisodiyotning asosiy elementlaridan biri bo‘lmish kichik korxonalar faoliyat maydonini bir tekisda olib borishadi. Kichik korxonalar tijorat operatsiyalarini amalga oshirish uchun biznes muhitni yaxshilashni ta’minlab beruvchi qonuniy normalarni talab etadi (misol uchun, adolatsiz raqobatga qarshi himoya) va biznesning boshqa startaplari va kengayishlarini rag‘batlar bilan ta’minlaydi.