Agrokonsalting

Buxgalterlar va iqtisodchilarning vazifalari.
- fermerlarga mahsulot ishlab chiqarishda bajariladigan ishlar va xizmat ko‘rsatish, urug‘, o‘g‘it, kimyoviy vosita, yoqilg‘i va boshqa zarur mablag‘lar sarf-xarajati hajmi to‘g‘risida hisob tahlil ishlarini yurtish;
- fermerlarga har bir mavsumda mutaxassislar ishtirokida ishlab chiqarish yuzasidan bajariladigan ishlar me’yorlari, narxi hamda talab etiladigan ishchi kuchi va texnikalar haqida hisob-kitob ishlarini amalga oshirish;
- ilg‘or ish usullarini joriy etish, asosiy ko‘rsatkichlarning tarkibini aniqlab, ularni hisoblash, tahlil qilish va amalga oshirish yuzasidan sarf-xarajatlarning miqdori, mehnatga xaq to‘lash hajmlari to‘g‘risida ma’lumotlar tayyorlash;
- fermer xo‘jaliklari faoliyatini, mahsulot ishlab chiqarish jarayonini rejalashtirish, fermerlarga biznes-reja tuzishda yordamlashish;
- fermer xo‘jaligida bajarilayotgan ish va ko‘rsatilayotgan xizmatlar, yetkazib berilayotgan yoqilg‘i, o‘g‘it, kimyoviy vositalar, suv xizmati va boshqa mahsulotlar uchun shartnomalarning tuzilishi va ularning bajarilishi yuzasidan monitoring yuritish;
- fermer xo‘jaliklari faoliyatini rivojlantirishga kredit resurslarini jalb qilish uchun zaruriy xujjatlarni tayyorlash;
- resurs va mablag‘lardan samarasiz foydalanishni bartaraf qilish yuzasidan takliflar kiritish;
- O‘zbekiston Respublikasi “buxgalteriya hisobi” to‘g‘risidagi qonun talablariga muvofiq fermer xo‘jaligida buxgalteriya hisobi yuritilishini ta’minlash;
- fermer xo‘jaligi faoliyati bo‘yicha davlat soliq idoralariga tegishli hisobotlarni o‘z vaqtida topshirishda amaliyo yordam berish kabilar.
Konsalting Markazining faoliyat yuritishi
Markaz joriy (bir yillik) va istiqbolli (3-5 yillik) rejalar tuzadi hamda o‘z faoliyatini mazkur rejalar asosida tashkil etadi, rejalar Markaz boshlig‘i va mutaxassislari tomonidan ishlab chiqiladi va umumiy yig‘ilishda ko‘pchilik ovoz bilan tasdiqlanadi.
Markaz tegishli tartibda moliya muassasalarining imtiyozli va tijorat kreditlaridan foydalanadi. Shuningdek, kreditlashning muqobil shakli bo‘lgan lizing asosida kompyuter, texnika vositalari, va boshqa turdagi asbob-uskunalarni qonunchilikda ko‘zda tutilgan shartlarda lizingga olishga haqli.
Markaz o‘z ta’sischilariga va ta’sischi bo‘lmagan boshqa yuridik shaxslarga turli yo‘nalishlarda maslahatlar berishni tashkil etadi.
Markaz qonunchilikda belgilangan tartibda axborot konsalting xizmati ko‘rsatish faoliyatini tashkil etish asosida qo‘shimcha ish o‘rinlarini yaratish va o‘z daromadini ko‘paytirib boradi.
Markaz o‘z faoliyatini rivojlantirish maqsadida mahalliy va xorijiy investitsiyalarni jalb qilishi hamda belgilangan tartibda investitsion loyihalar tayyorlash va ular tanlovida ishtirok etishi mumkin.