Agrokonsalting

Darsning rejasi:
1.Agrokonsalting fanining predmeti, maqsadi va vazifalari.
2.Agrokonsalting tushunchasi, konsultatsiyadan maqsad va konsultant xizmatidan foydalanish.
3.Agrokonsaltingni asosiy yo‘nalishlari.
4.Agrokonsalting xizmatini tashkil etish va rivojlantirish bo‘yicha davlat siyosati.
Darsning shakli: Seminar savollari bo‘yicha taqsimoti.
Darsga oid jixozlar: -Markerlar, flamaster, plakatlar, tarqatma materiallar, kerakli adabiyotlar. Marker va plakat bo‘lmagan dirda sinf taxtasi, bo‘rdan foydalanish mumkin.

Agrokonsalting fani agrar sektorda olib borilayotgan iqtisodiy islohotlar bozor sub’yektlarining mustaqil faoliyat ko‘rsatishlari uchun mustahkam huquqiy, iqtisodiy sharoit yaratish, iqtisodiy islohotlarni chuqurlashtirish, davlat mulki monopoliyasiga barham berish, haqiqiy yer egalarining ya’ni mustaqil xo‘jalik yurituvchi sub’yektlar fermer va dehqon xo‘jaliklari faoliyatini barqaror rivojlantirish va ularni iqtisodiy samaradorligini oshirishda agrokonsalting xizmatlarini tashkil etish va bozor qonunlari asosida o‘zaro munosabatlarni shakllantirishga qaratilgan.

"Konsalting" iborasi inglizga "consulting " so‘zidan olingan bo‘lib "xizmatlar", "konsultatsiyalar"(maslahatlar) degan ma’nolarni bildiradi. Konsalting - bu tashqi maslahatchilar tomonidan u yoki bu muammoni hal etish bo‘yicha kursatiladigan xizmat turi.
Konsalting- bu intelektual faoliyat turi bo‘lib, uning asosiy vazifalariga buyurtmachilarning taqdim etgan masalani hal qilish, hamda ilmiy, texnik va tashkiliy iqtisodiy innovatsiyalardan foydalangan holda muammo yechimi va uning istiqboldagi taraqqiyotining asoslash demakdir.O‘z o‘rnida konsalting boshqaruv, iqtisodiy, moliyaviy, kkorxonalarning investitsion faoliyatini, strategik rejalashtirish, korxonaning umumiy faoliyatini optimizatsiyalash, biznes yuritish, bozor talablarini o‘rganish va prognoz qilish, narx-navolarni o‘zgarishini o‘rganish va boshqa masalalarni hal qiladi. Boshqacha qilib aytganda, konsalting- bu u yoki bu masalani hal qilishda tashqi konsultantlar tomonidan ko‘rsatiladigan yordamning barcha ko‘rinishidir. Konsaltingning asosiy maqsadi bu boshqaruv sifatini oshirish, korxona faoliyati samaradorligini ko‘tarish va har bir ishchining shaxsiy mehnat unumdorligini oshirishdir.
Agrokonsalting – qishloq xo‘jalik sohasida axbarot maslaxat xizmatlari bo‘lib, fermer va dehqon xo‘jaliklari rahbarlari va agrar sohadagi boshsa barcha tadbirkorlik sub’yektlariga xo‘jalik faoliyatini tashkil etish, yuritish va boshsarish hamda istiqbolini belgilashga oid tashkiliy, iqtisodiy, moliyaviy, agrotexnologik va boshqa yo‘nalishlarda qarorlar qabul qilishda nisbatan ob’yektiv fikr, tasavvur, qarash va g‘oyalarni shakllantirish va oqilona hamda to‘g‘ri qarorlar qabul qilishlariga ko‘maklashish maqsadida axborotlar majmuini ma’lum tartib, qoida, tizim va tasnif hamda tamoyillar asosida yetkazib beruvchi su’bektdir.
Axborot-konsalting markazlarining faoliyat funksiyasi va xizmatlar yo‘nalishi quyidagilardan iborat bo‘ladi:

• 
  o‘qitish, qayta o‘qitish, kasbiy mahorat va malakasini oshirish;
  
• 
  ilmiy-amaliy, ilmiy-uslubiy xizmatlar ko‘rsatish;
  
• 
  axborot ta’minoti xizmatlari ko‘rsatish;
  
• 
  maslahat xizmatlari ko‘rsatish;
  
• 
  innovatsiya va ilg‘or tajriba, ish uslubi, texnologiya va ishlab chiqarish(xizmat ko‘rsatish) borasida maslahatlar berish, uni amalga oshirish-o‘zlashtirish uchun shart-sharoitlar yaratishga yordam berish, xizmat ko‘rsatish;
  
• 
  reklama va targ‘ibot ishlarini (vakolati va qonun doirasida) olib borish borasida xizmat ko‘rsatish;
  
• 
  ko‘rgazmalar, ko‘riklar, namoyishlar va tanlovlar tashkil etish;
  
• 
  on-layn video anjumanlari, mavsumiy-davriy va maxsus ruknlar hamda mavzular bo‘yicha anjumanlarini tashkil etish;
  
• 
  xorijiy investorlarni axborot bilan ta’minlash, ularga istiqbolli loyihalar va investitsiya faoliyatining me’yoriy-huquqiy asoslari haqidagi ma’lumotlarni takdim qilish;
  
• 
  xorijiy investorlar va mahalliy tadbirkorlar o‘rtasida uchrashuv va muzokaralarni tashkil etish va boshqalar.