Agrokonsalting

1-chizma. Mehnat jarayoni zaruriy shartlarining turkumlanishi.
Hozirgi fan-texnika taraqqiyoti davrida ishlab chiqarishning rivojlanishida mehnat predmetlarining ahamiyati oshib bormoqda. Materiallarning tabiatda tayyor holda uchramaydigan yangi turlari yaratilmoqda. Sohaga oid yangiliklar va ularni ishlab chiqarishga tadbiq etishda konsalting xizmatlari va konsultantlarning o‘rni beqiyosdir. Chunki mahsulot ishlab chiqaruvchi o‘z ishlab chiqarishini samarali tashkil etishida sohaga oid so‘ngi yangiliklar va innovatsiyalardan habardor bo‘lishi, ishlab chiqarishni tashkil etishning eng qulay va foydali yo‘llarini bilishi lozim. Bunda malakali konsultantalar tomonidan ko‘rsatiladigan xizmatlar va beriladigan maslahatlar katta ahamiyatga ega.
Bugungi bozor iqtisodiyotiga doir ko‘pchilik adabiyotlarda ishlab chiqarishning to‘rt omili: mehnat, kapital, yer-suv, tadbirkorlik qobiliyati tan olinadi. Bu yerda ishchi kuchi bilan mehnat o‘rtasidagi farqni anglab olish juda muhimdir. Chunki, mehnat insonning to‘g‘rirog‘i ishchi kuchining ma’lum maqsadga qaratilgan faoliyati jarayoni bo‘lib, ishchi kuchi tushunchasidan tamomila boshqa tushunchadir. Ko‘pgina adabiyotlarda esa ularni sinonim (bir xil tushuncha) deb qarashadi va bu ko‘pgina chalkashliklarni keltirib chiqaradi. Bizga ma’lumki, mehnat turli omillarning birikib, amal qiladigan jarayonidir. Ishchi kuchi, yuqorida aytganimizdek, insonning mehnatga bo‘lgan aqliy va jismoniy qobiliyati, uning bilim, malaka darajasi bilan birgalikda ishlab chiqarishga qatnashishiga tayyor turgan omil bo‘lib xizmat qiladi, mehnat esa ishchi kuchining ishlab chiqarish vositalari bilan qo‘shilishi natijasida sodir bo‘ladigan va ma’lum samara olishga qaratilgan faoliyatdir.
Shuning uchun biz mehnat degan tushunchani emas, balki ishchi kuchi degan tushunchani ishlab chiqarishning omili deb bilamiz va ishlab chiqarish omillari ishchi kuchi, kapital, yer-suv va tadbirkorlik qobiliyatidan iborat deb ta’kidlaymiz (2-chizma).

Ишлаб чиқариш омилари





Капитал

Ер

Тадбиркорлик қобилияти

Ишчи кучи