Аграр тармоқ иқтисодий салоҳиятини оширишда институционал ислоҳотлар ва

 
329 
оширилиши мақсадга мувофиқ бўлади. Чунки иқтисодиётни ривожлантириш 
ва маҳаллий иқтисодиёт тармоқларининг рақобатбардошлигини ошириш 
мақсадида ташкил этилаётган кластерли ёндашув мамлакатмимиз 
иқтисодиёти учун нисбатан янги ҳисобланади. Бу борадаги хорижий 
давлатлар тажрибаси ҳам ушбу жараёнларга турли кўринишларда (мисол 
учун “давлат-хусусий шерикчилик” тизими орқали) давлат иштироки 
бўлишлигини тасдиқлайди.
Юқоридагилардан келиб чиққан 
ҳолда бизнинг фикримизча,
республикамизда кластерларни бошқариш тизимини қуйидаги кўринишда 
бўлишини мақсадга мувофиқ бўлади (2-расм. ) Келтирилган расмдан кўриш
мумкинки, ушбу жараёнда асосий масъулият Вазирлар Маҳкамасининг 
қошидаги “Давлат кластер сиёсатини амалга ошириш ва мониторинг” 
маркази зиммасига юклатилади. Ушбу марказ қошида ташкил этилиши 
таклиф этилаётган “Иқтисодиёт тармоқларини кластер ёндашуви асосида 
ривожлантириш Республика Кенгаши” таркибига тегишли вазирлик, 
компания ва нодавлат ташкилотлар вакиллари жалб этилган ҳолда Кенгаш 
томонидан кластерлар фаолиятида юзага келаётган ва давлат даражасида ҳал 
этилиши лозим бўлган масалалар ҳал этилади.
Марказ фаолиятинининг бевосита ижрочиси сифатида “Кластерларни 
ривожлантириш бўйича ҳудудий марказлар” (КРХМ) ва Кенгаш 
қарорларининг ижросини таъминлаш учун эса “Ҳудудий (вилоят) 
кенгашлари” ташкил этилиши лозим бўлади. Ўзбекистон Республикаси 
Савдо-саноат палатаси ва унинг ҳудудий бўлинмалари, Ўзбекистон Фермер, 
деҳқон хўжаликлари ва томорқа ер эгалари Кенгаши ва унинг ҳудудий 
бўлинмалари, Саноат ва қишлоқ хўжалигининг тармоқлари кесимида ташкил 
этилган (ассоциациялар) уюшмалар вакиллари эса кластерлар таркибида 
фаолият юритаётган йирик корхоналар, тадбиркорлик субъектлари, саноат ва 
қишлоқ хўжалиги корхоналарининг манфаатларини ҳимоя қилиш, уларга 
турли хизматлар кўрсатиш каби вазифаларни ўз ваколатлари доирасида 
бажарадилар. Бир сўз билан айтганда, таклиф этилаётган ташкилий 
бошқарув тузилма таркибига киритилган субъектлар “Республика 
ҳудудларида иқтисодиётнинг турли тармоқларига ихтисослаштирилиган 
“ҳудудий кластерлар” фаолиятини ривожлантириш мақсадларини кўзлаган 
ҳолда иш юритишлари мамлакатимиз иқтисодиётини ривожлантиришда 
муҳим ўрин эгаллаши кутилаётган кластерлар ва улар фаолиятининг 
ижтимоий-иқтисодий самарадорлигини ошириш учун хизмат қилади.