Agrar huquqidan on savollari (2020-2021 o‘quv yili bahorgi semestri uchun) 1

28.
 
Agrar qonunchilik talablarini buzish bilan bog‘liq qanday jinoyat 
turlarini bilasiz? 
Agrar qonunchilikni buzganlik uchun yuridik javobgarlik turlaridan biri 
jinoyat-huquqiy javobgarlik bo’lib, jinoyat kodeksida taqiqlangan qilmish sodir 
etilgan taqdirdagina qo’llanadigan javobgarlikning eng og’ir turidir51 . Agrar 
sohadagi jinoyatlar boshqa huquqbuzarliklardan asosan quyidagi ikki belgisi bilan 
farqlanadi: 1) obyekt 2) qishloq xo’jaligi ishlab chiqarishiga zarar yetkazilganligi 
fakti. Agrar sohadagi jinoyatlarni ikkiga bo’lib o’rganishimiz mumkin: 1)umumiy 
xususiyatli jinoyatlar; 2) maxsus xususiyatli jinoyatlar. Agrar sohadagi jinoyatlar 
uchun jinoiy javobgarlik quyidagi xususiyatlari bilan ajralib turadi: 1) Agrar 
sohadagi jinoyatlar natijasida qishloq xo’jaligi ishlab chiqarishiga jiddiy putur 
etkaziladi; 2) Agrar sohadagi jinoyatlar faqatgina moddiy tarkibli jinoyatlar bo’lib, 
ular muayyan ijtimoiy xavfli oqibatlarning kelib chiqishi bilan bog’langan; 3) 
Jinoyat kodeksida qishloq xo’jalik sohasidagi jinoyatlar uchun javobgarlik 
belgilangan bir qator normalari o’z xaraktyeriga ko’ra, havolaki bo’lib, qishloq 
xo’jalik qonunchiligi qoida-talablariga murojaat qiladi. 
Yodda tuting! Agrar qonunchiligi talablarini buzganlik uchun jinoiy javobgarlik 
- qishloq xo’jaligining Jinoyat kodeksida belgilangan tartibiga tajovuz qiluvchi 
jinoyat sodir etishda aybdor bo’lgan shaxsga nisbatan sud tomonidan hukm qilish, 
jazo yoki boshqa huquqiy ta‘sir chorasi qo’llanilishida ifodalanadigan huquqiy 
oqibatdir. Agrar soha qonunchiligini buzish bilan bog’liq jinoyat esa, jazo tahdidi 
ostida jinoyat qonunida nazarda tutilgan ijtimoiy xavfli qilmish bo’lib, u 
O’zbekiston Respublikasi qishloq xo’jalik tizimiga, atrof tabiiy muhitga va uning 
alohida kompanentlariga, tabiiy resurslardan oqilona foydalanishga, qishloq xo’jalik 
mahsuloti ishlab chiqarish sifati samaradorligiga, qishloq xo’jalik korxonalari 
hamda qishloq xo’jalik ishlab chiqarishi bilan shug’ullanuvchi fuqarolarning 
qonuniy manfaatlariga tahdid ko’rsatuvchi har qanday harakat yoki harakatsizlikdir.