Agar fanga oid terminlar noaniq bo‘lsa, fanning o‘zi noaniqdir

Ne – neon

Nodir (inert) gaz, metallmas. Rangsiz, qiyin suyuqlanuvchan. Neonning havodagi miqdori 0,0015% (um.). Suvda amalda erimaydi, etanolda yomon eriydi. 8Ne∙46H₂O tarkibli klatrat hosil qiladi. Kimyoviy inert, boshqa barcha moddalar bilan reaksiyaga kirishmaydi. Olinishi – juda past haroratda suyuq havoni fraksion distillash.

Mr = 20,180; d_(s) = 1,205^{(– 246)}; ρ = 0,90035 g/l (n.sh.);

t_suyuq = – 248,6 °C; t_qayn = – 246,048 °C;

Ar – argon

Nodir (inert) gaz, metallmas. Rangsiz. VIIIA – guruh elementlari orasida tabiatda eng ko‘p tarqalgan element. Tabiatda og‘ir izotopi ⁴⁰Ar ning (³⁶Ar, ³⁸Ar qo‘shimchalari bilan) miqdori ustunlik qiladi. Er atmosferasida ⁴⁰K nuklidining elektronlarni ushlab olishi natijasida hosil bo‘ladi. Argonning havodagi miqdori 0,932% (um.); 1,28% (mass.). Suvda yomon eriydi (kuchli elektrolitlar ishtirokida eruvchanlik kamayadi), organik erituvchilarda yaxshiroq eriydi. 8Ar∙46H₂O tarkibli klatratlar va Ar∙4C₆H₅OH, Ar∙2L (L = HCl, HBr, H₂S) tarkibli solvatlar hosil qiladi. Boshqa barcha moddalar bilan reaksiyaga kirishmaydi. Olinishi – quyi haroratda suyuq havoni fraksion distillash.

Mr = 39,948; d_(q) = 1,623^{(– 190)}; d_(s) = 1,401^{(– 186)}; ρ = 1,7837 g/l (n.sh.);

t_suyuq = – 189,34 °C (p); t_qayn = – 185,86 °C;