Afrika materigining iqlimi va ichki suvlari

• Kongo daryosi Afrika daryolari ichida uzunligi jihatidan 2-o’rinda turadi, lekin havzasining maydoni va sersuvligi jihatidan 1-o’rinda, dunyoda 2-o’rinda turadi. Lualaba Kongoning boshlanish qismi hisoblanadi. Daryoning uzunligi 4320 km, havzasining maydoni esa 3,7 mln. km . Kongo daryosi dunyoda yagona ekvatorni 2 marta kesib o’tuvchi daryo hisoblanadi. Yirik irmoqlari Ubangi va Kasai. Kongoning o’rta oqimidagi o’zani 20 km gacha yetadi. Daryoda 32 ta sharsharalar bor. Daryo sohil bo’yi tekisligida kengayadi va o’zan chuqurligi 70 m gacha etadi. Quyilishida u tarmoqlarga bo’linadi.
• Niger daryosi uzunligi, maydoni jihatidan Kongo va Nil daryolaridan keyin turadi. Uzunligi 4060 km, havzasining maydoni 2 mln. km . o’rtacha yillik suv sarfi 12 ming m3. Daryo Shimoliy Gvineyadan boshlanib, dastlab shimoli-sharqqa, so’ngra Sahroi Kabir chegarasida janubi-sharq tomon suriladi. Yirik irmog’i Benue hisoblanadi. Quyilishida yirik delta hosil qiladi.