“Аёллар дафтари”

Пайариқ туманлараро иқтисодий судининг раиси Б.Жураев томонидан 2022 йилнинг 24 ноябрь куни Пайариқ туманидаги “Ўймовут” маҳалласида “Аёллар дафтари”га киритилган хотин-қизлар учун очиқ мулоқот ва сайёр қабул ўтказилди

Дастлаб давра суҳбати, Ўзбекистон Республикаси Президентининг 2022 йил 28 январь кунги 2022–2026 йилларга мўлжалланган Янги Ўзбекистоннинг ҳаракатлар стратегияси тўғрисидаги ПФ-60-сонли Фармонида “Аёллар дафтари”га киритилгаи хотин-қизларга маҳаллабай сайёр қабуллар орқали ҳуқуқий ёрдам кўрсатиш масалалари юзасидан бошланди.

Сўнгра, суд раиси Б.Жураев ҳалқнинг дардини тинглаш, уларни дардига ҳамдард бўлиб, муаммоларини ечилишида яқиндан ёрдам кўрсатиш мақсадида, очиқ мулоқот ва сайёр қабулга келган хотин-қизлар билан индивидуал суҳбат ўтказди.
Суҳбат жараёнида, тумандаги хотин-қизларнинг энг кўп дуч келаётган ҳуқуқий муаммолари яъни, ишсизлик, моддий ёрдам, тиббий муолажа олиш учун ордер, кредит масаласи, алимент ундируви масалалари юзасидан ҳуқуқий жиҳатдан тушунтиришлар берилди.
Тадбир давомида, фуқаро Т.Мизамованинг боқувчисини йўқотганлик фактини белгилаш юзасидан қилган мурожаатига қаттиқ эътибор қаратилиб, масалани жойида ҳал этиш учун ҳужжатлари кўздан кечирилиб, ФИБ Пайариқ туманлараро судига мурожаат қилиши юзасидан ҳуқуқий тушунтириш берилди.