Адвокатлик фаолиятини ташкил этиш ва амалга оширишнинг

Магистрлик диссертациясида муаммонинг ўрганилганлик даражаси адвокатлик фаолиятини ташкил этиш ва амалга оширишнинг ҳуқуқий механизмини такомиллаштириш масалаларининг айрим жиҳатлари ҳуқуқшунос олимларнинг илмий асарлари ва ўқув адабиётларида ёритилган. Жумладан, М.Х.Рустамбоев⁴, З.Ф.Иноғомжонова, Тўлаганова⁵, Қ.Қ.Маткаримов⁶, И.Г.Никонов, Абзалов⁷, ва бошқаларнинг асарларида муайян даражада ўрганилган. Бундан ташқари адвокат томонидан тадбиркорлик субъектларига юридик ёрдам кўрсатишнинг ташкилий-ҳуқуқий масалалари юзасидан (Д.Д.Нурумов)⁸, адвокатура институтини такомиллаштиришда адвокатлик тузилмалари ва ўзини-ўзи бошқариш органининг ҳуқуқий мақоми масалаларига (В.Х.Давлятов)⁹ доир илмий ишлар олиб борилган бўлсада, мазкур илмий асарларда адвокатлик фаолиятини айрим жиҳатлари ўрганилиб таҳлил этилган.
МДҲга аъзо давлатларда адвокатлик фаолиятини ташкил этиш ва амалга оширишнинг айрим масалалари, жумладан Г.М.Резник, адвокатлик фаолиятининг шаклларининг назарий –ҳуқуқий таҳлилига қаратилган (К.Ю.Суровова), инсон ҳуқуқларини ҳимоя қилишда адвокатлик фаолиятига бағишланган (С.С.Колобашкина), адвокатлик фаолиятини юридик ёрдам олишни конституциявий кафолатланишидаги ролига бағишланган (С.Э.Либанова, Д.В.Фролов), адвокатлик фаолиятини амалга оширишнинг алоҳида шаклларига бағишланган (В.Р.Дюкина, А.В.Рагулин)илмий тадқиқотлар олиб борилган.
Магистрлик диссертациясининг объектиадвокатлар томонидан юридик ёрдам кўрсатиш, касбий ҳуқуқларини амалга ошириш ҳамда вазифаларни бажариш билан боғлиқадвокатлик фаолиятини ташкил этиш ва юритиш бўйича ижтимоий муносабатлар тизими.
Магистрлик диссертациясининг предмети адвокатлик фаолиятини ташкил этиш ва юритиш бўйича халқаро ҳуқуқий ҳужжатлар, адвокатура институтига оид миллий қонунчилик тизими, адвокатура ва адвокатлик фаолиятини тартибга солувчи айрим хорижий мамлакатлар қонунчилиги, мавзуга оид илмий-тадқиқот ишлари, мақолалар, ҳуқуқни қўллаш амалиёти, адвокатлик амалиётидан иборатдир.