Ҳадисдан. Мавзу: “Комил инсоннинг шаклланишида илмнинг роли”

Инсон ақли, иймонли ва виждонли бўлиб туғилиши мумкин, аммо билимли ва мартабали бўлиб туғилмайди

Инсон туғилганда унинг танасида ақл, иймон ва виждон бўлади. Аммо, таъкидланганидек, илмли ва мартабали бўлиб туғулмайди. Илм инсоннинг танасига жойлашган эмас, балки унинг ёнида, балки ундан узоқроқдадир. Шу туфайли инсон уни ўзининг бошига ва қалбига киритиши учун кўп меҳнат қилиниши, заҳмат чекилиши керак. Билим мартаба кўмагида бошдан жаҳлни, қалбдан ҳасадни ҳайдаб чиқарсагина уларнинг ўрнига кира олади. Инсон билимни бошидаги жаҳл ўрнига, қалбидаги ҳасад ўрнига жойлаштириши мумкин. Акс ҳолда унга инсон танасида бошқа жой йўқ, лекин иккаласи ҳам инсонни осонликча тарк этмайди. Бунга эришмоқ, учун инсон кучли ва иродали бўлиши ҳамда тинимсиз меҳнат қилиши лозим.

Хақиқий олимлар ақлли, иймонли, виждонли ва илмли бўладилар. Шу хислатга эга кишилар юқори мартабага ҳам эга бўладилар. Улар машақатли меҳнати билан танасини ҳасаддан ва жаҳлдан холи қила олади. Инсон қалбини ҳасад ва бошини жаҳл тарк этса у эзгуликларга бой бўлади. Жамиятга ҳам эзгулик уруғини сочади. Шу туфайли одамлар ўртасида "Битта олим чиқса юзта золим камаяди» деган мақол айтилиб юрилади.
Қани энди орамизда илмли одамлар, ҳақиқий олимлар кўпайса. Танамиздан жаҳлни ҳам, ҳасадни ҳам қувиб ҳайдасак. Комил жамиятнинг белгиларидан бири – ақлли одамлар илмли, виждонли одамлар иймонли бўлишида.


Берилган мавзу бўйича талабалар билиши лозим бўлган
ёзма жавоб саволлари

Билиши лозим бўлган саволлар	Берилган саволларнинг мазмуни
Одам танасига нималарни киритиш лозим бўлган?
Яратган ақлни нима учун инсонинг бошига киритибди?
Инсон қалбига яна нима жойлашиб олган?
Ақлли туғилган одам аҳмоқ бўлиб ўлиши мумкинми?
Инсонинг қалбига нималар жойлашган?
Инсон қачон ҳасадгўйга айланади?
Нима учун виждон икки жойга жойлаштирилган?
Инсонинг кучлилиги нима билан ўлчанади.
Нима учун илм инсоннинг танасига кирмади?
Яратган Инсоннинг ўзи эгаллаши учун танага киритмаган фазилатлар нималар?
Илмнинг дўсти нама?
Инсон қандай хислатлар билан туғилади ва нимага ўз меҳнатила эгалади?
Ҳақиқий олимларда қанақа хислатлар бўлади?
Қандай кишилар эзгуликка бой бўлади?
Комил жамиятнинг белгилари нимада?