Adabiyotshunoslik tarixi

Fan bo‘yicha talabalarning bilim, ko‘nikma va malakalariga qo‘yiladigan talablar

Ushbu fan bo‘yicha magistrant adabiyotshunoslikning ilk manbalari, badiiy va tarixiy asarlar tarkibidagi nazariy qarashlar, mumtoz va nazariy poetikaning ilmiy asoslari, jahon mumtoz adabiyotshunosligidagi asosiy nazariy qarashlar taraqqiyoti, Sharq va G’arb adabiyotshunosligining genetik ildizlari va tarixi, XX asr adabiyotshunosligidagi ilmiy tizim va san’at nazariyasiga doir umumiy qonuniyatlar haqida tasavvurga ega bo‘lishi, antik davr adabiyotshunosligini, islomgacha bo‘lgan sharq adabiyotshunosligi manbalarini, o‘rta asrlar va G’arb uyg‘onishi davri adabiyotshunosligini, Sharq mumtoz poetikasi manbalarini, jahon adabiyotshunosligidagi akademik maktablar, adabiyotshunoslikdagi adabiy oqim va yo‘nalishlarni bilishi va ulardan foydalana olishi, adabiyotshunoslik tarixidagi asosiy nazariy manbalarni tahlil qilish, adabiyotshushoslik tarixini yaxlit adabiy-ilmiy jarayon sifatida qabul qilish, badiiy matn talqini va tahliliga doir ilmiy tajribalarga bildirish, adabiyotshunoslik asarlarini tahlil qilish, adabiyotshunoslik janrlarining genetik ildizlari va qo‘llanilish mohiyatini tushunish, adabiyotshunoslikdagi terminologiya masalalari identifikatsiyasi ko‘nikmalariga ega bo‘lishi kerak.

Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan uzviyligi
“Adabiyotshunoslik tarixi” fani adabiyotshunoslikning tarkibiy qismi hisoblanib, u o‘quv rejasidagi “Zamonaviy o‘zbek adabiyoti genezisi va muammolari”, “Tarixiy va nazariy poetika”, “Jahon adabiyoti muammolari” kabi mutaxassislik fanlar bilan uzviy bog‘langan. Mazkur fan adabiyotshunoslik tizimida nisbatan yangi fan bo‘lib, 1998 yildan Oliy ta’lim tizimiga “Adabiyotshunoslik” mutaxassisligi uchun magistratura ta’limini oluvchilarga mo‘ljallangan.
“Adabiyotshunoslik tarixi” fani adabiyotshunoslik tarixi tahlili bilan shug‘ullanuvchi soha hisoblanadi.