Adabiyotlar ro`yxatini rasmiylashtirish

 

 

 

 

 

2.4. Bitiruv malakaviy ishning matnini bayon qilish 

 

 

---

 

20 

Materialni  bayon  qilishning  aniqliligi  va  mantiqan  izchilligi,  dalilisbotlarning 

ishonchliligi,  ta’riflarning  qisqa  va  tushunarligi,  natijalar,  isbotlar  va  xulosalarni  bayon 

qilishning aniqligi BMIga qo`yiladigan umumiy talabdir. 

BMIning  tuzilmasini  kirish,  asosiy  qism,  xotima,  adabiyotlar  ro`yxati,  ilovalar  tashkil 

etadi. BMIning  mazmuni uning  mavzusi  bilan  belgilanadi. BMIning  har bir  bo`limini  xulosalar 

bilan  yakunlash  tavsiya  etiladi.  Ishning  boblari  va  bandlarning  soni  ham  yo`nalishning 

xususiyatlariga, shuningdek mavzuga bo`g`liq. 

 Ishning  matni  qisqa,  aniq,  mantiqan  izchil  bo`lishi  va  ikki  ma’noli  talqinga  yo`l 

qo`yilmasligi  kerak.  Ishda  tegishli  standartlar  bilan  belgilangan  yoki  ilmiy  va  ilmiy-texnikaviy 

adabiyotlarda umumqabul terminlar, belgilar va qoidalar qo`llanishi lozim. 

 

 

 

Tushuntirish qism  boblar,  bandlar  va kichik  bandlarga  bo`lib  yozilishi  mumkin. Boblar, 

bandlar va kichik bandlar arab raqamlarida tartib raqami bilan belgilanadi va abzasdan yoziladi. 

 

BMIning  har  bir  bo`limi  muvofiq  asoslar,  qarorlar  va  xulosalar  bilan  yoritiladi.  BMIda 

ilgari  bajarilgan  mustaqil  ishlarning  natijalari  yoki  boshqa  mualliflarning  ishlari  (hisob-grafika, 

kurs  ishlari  va  loyihalari,  ilmiy  ma’ruzalari  va  maqolalari,  albatta,  nomlari  ko`rsatilgan  holda), 

tahliliy-qiyosiy ma’lumotlar sifatida aks ettirilishi yoki ulardan foydalanish mumkin. 

BMIni  yozish  matn  parchalarini  qayta-qayta  tahrir  qilishni  talab  qiladi.  Grammatik 

jihatdan  izchil  matnni  yaratish  uni  bir  necha  marta  tahrir  qilish  bilan  amalga  oshiriladi.  Shu 

sababli ishni yozishda yozish va qayta ko`chirib yozish asosiy jarayondir. 

BMIni  yozish  ishlashni  muayyan  ketma-ketligidan  iborat.  Dastlab,  boblar  (ilovalari 

bilan),  xotima  yoziladi.  Shundan  keyin  ishning  asosiy  qismi  tahrir  qilinadi.  So`ngra  kirish  va 

xotimaning  mazmuni  oydinlashtiriladi.  Undan  keyin  adabiyotlar  ro`yxati  va  titul  varag`i 

shakllantiriladi. Bu ishlar tugagach kirish va xotima batamom tahrir qilinadi. 

Materiallarni nomlar va yo`l-yo`riqlarga mos holda, mantiqan izchillik bilan bayon qilish 

lozim.  Ishning  maqsadi  faqat  rejada  qo`yilgan  masalalarni  tavsiflash  emas,  balki  mavjud 

muammolarni  tahlil  qilish    va  bu  muammolarni  yechish  bo`yicha  takliflarni  asoslashdan  iborat 

ekanligini yodda saqlash lozim.  

BMIning tushuntirish qismi qisqa va aniq shaklda BMIning ijodiy g`oyasini ochib berishi 

kerak. Zaruriy hollarda tushuntirish qismga grafiklar, rasmlar, eskizlar, diagrammalar,  tarhlar va 

boshqalar,  shuningdek,  zaruriy  qo`shimcha  axborot  yozilgan  elektron  shakldagi  ma’lumotlar 

ilova etilishi  mumkin. Unda qabul qilinadigan qarorlarning tahlili  va asoslanishi  hamda  boshqa 

materiallar, jumladan kafedraning metodik ko`rsatmalariga mos keladigan illyustrativ materiallar 

bo`lishi  lozim. 

BMI  tushuntirish  qismining  mazmuni  ko`p  jihatdan  bajarilayotgan  ishning  sajiyasiga 

bo`g`liq.  BMI  ustida  ish  olib  borishda  ish  mavzusining  dolzarbligi  va  ahamiyati,  amaliy 

vazifalarni  yoki  ishda  qo`yilgan  masalalarni  yechishning  hozirgi  metodlarini  qo`llash,  ishda 

ishlab  chiqilgan  tavsiyalar  va  takliflarning  amaliy  yo`nalishi  asoslanadi,  geografiya  va  unga 

yaqin  fanlarga  va  geografiya  ta’limi  texnologiyasiga  doir  adabiyotlarni  tahlil  qilish  asosida 

tadqiq qilinadigan  muammoni  nazariy  jihatdan  ishlab chiqish, o`tkazilgan tadqiqotlar  natijasida 

olingan materiallarni umumlashtirish, xulosalarni va amaliy tavsiyalarni aniq ifodalash, ishlanma 

natijalarini bilimdonlik bilan, izchil va mantiqan asoslangan bayonini amalga oshirish lozim.