Adabiyotlar ro`yxatini rasmiylashtirish

 

 

1.4. Bitiruv malakaviy ish bajaruvchi talabaning vazifalari 

 

 

BMI  berilgan  topshiriq  asosida  shaxsan  talaba  tomonidan  bajariladi.  BMIni  bajaruvchi 

talaba  tanlangan  qarorning  to`g`riligiga  va  uning  topshiriqqa  muvofiqligiga,  BMI  ishda 

ko`chirmachilik  holatini  yo`qligiga  javob  beradi.  BMIda  bayon  qilingan  ma’lumotlar,  faktik 

materiallar va  boshqa axborotlar, xulosalarning asoslanganligi  va  ishonchliligi uchun  ma’naviy 

va huquqiy mas’uliyat muallifga yuklanadi.     

Bitiruvchi  mavzuni  tanlash  tashabbuskori  bo`ladi.  U  BMIlarning  kafedrada  ishlab 

chiqilgan  taxminiy  mavzulari,  ilgari  bajarilgan  ishlar  bilan  tanishadi  va  mavzuni  kasbiy–

pedagogik  tayyorgarlik  o`quv  fanlari  bo`yicha  o`zi  bajargan  referat  va  kurs  ishlari  mavzulari 

bilan  muvofiqlashtiradi.  Talaba  tadqiqotning  asosiy  muammosini  tanlagach,  tanlangan  ilmiy 

soha mutaxassisiga – fan o`qituvchisiga ishga rahbarlik qilishini so`rab murojaat qiladi. Mabodo 

talaba  ilmiy  rahbar  tanlashda  qiynalsa,  ilmiy  rahbarni  belgilash  kafedra  ixtiyorida  bo`ladi. 

 

Bajaruvchi ilmiy rahbar bilan birgalikda tadqiqotning ishchi mavzusi, ob’yekti, predmeti, 

maqsadi,  vazifalarini, uning muammosi,  metodlari,  nazariy asosini,  bashorat qilinadigan amaliy 

va nazariy ahamiyatini belgilab, tadqiqot dasturini tuzadi. 

 

Ishlab  chiqilgan  dastur  asosida  talaba  belgilangan  xujjatlarni  –  ariza  va  BMI  bo`yicha 

topshiriqni  rasmiylashtiradi  (1-  va  2-ilovalar).  Ariza  va  topshiriq  kafedra  majlisida  qarab 

chiqiladi  va  tasdiqlanadi.  Mavzuni  tasdiqlash  muddatlarini  saqlash  maqsadida  talaba  7-semestr 

boshlanishiga  qadar  ilmiy  rahbarni  tanlashi  maqsadga  muvofiq.  Agar  talaba  I  kursdayoq  ilmiy 

rahbar tanlasa,  u tanlangan  mavzu doirasida     o`zining  barcha  kurs  va  boshqa  tadqiqot ishlarini 

bajarish va BMI bajarish uchun asos tayyorlash imkoniga ega bo`ladi.  

 

BMIni bajarish jarayonida bitiruvchi ilmiy rahbar oldida va kafedrada belgilangan grafik 

bo`yicha muntazam ravishda hisobot berib boradi. May oyida eshitilgan  va tasdiqlangan hisobot 

kafedra mudiri uchun BMIni himoyaga taqdim etishga asos bo`ladi.  

Talaba tugallangan ishni himoyadan biroz ilgari ilmiy rahbarga taqdim etadi. Ilmiy rahbar 

BMIni  qarab  chiqqach  va  ma’qul  topgach,  uni  imzolaydi  va  o`zining  yozma  mulohazasi  bilan 

birgalikda  kafedra  ixtiyoriga  taqdim  etadi.  Mulohazada  BMIning  barcha  bo`limlari  bo`yicha 

qilingan ishning tavsifi beriladi. Bu materiallar asosida kafedra mudiri talabani BMI himoyasiga 

qo`yish to`g`risidagi masalani hal etadi. Agar kafedra mudiri talabani BMI himoyasiga qo`yishni 

lozim  topmasa,  ishdagi  kamchiliklarni  bartaraf  qilish  va  kafedrada  ishni  qayta  qarab  chiqish 

uchun  muddat  belgilaydi.  Mabodo  talaba  ish  bo`yicha  ko`rsatilgan  kamchiliklarni  bartaraf  qila 

olmasa  yoki  kafedra  majlisida  qayta  qarab  chiqilganda  ish  himoyaga  tavsiya  etilmasa,  talaba 

qolgan attestasiya sinovlarida qatnashish huquqidan mahrum qilinmaydi.   

BMIni  bajaruvchi  talaba  uning  ilmiy  rahbari  BMIning  hammualifi  ham,  muharriri  ham 

emasligini  e’tiborga  olishi  va  ishdagi  nazariy,  metodologik,  stilistik,  orfografik  va  boshqa 

xatolarni ilmiy rahbar tomonidan tuzatishiga umid qilmasligi lozim. 

BMIni bajaruvchi talaba:  



 tadqiqot muammosini uning dolzarbligini e’tiborga olgan holda belgilashi va ifodalashi; 



  tadqiqotning  maqsadini  qo`yishi  va  uni  ruyobga  chiqarish  uchun  zarur  bo`lgan 

vazifalarini belgilashi; 



  tadqiqot  mavzusi  bo`yicha  nazariy  va  empirik  materiallarni  tahlil  qilishi  va 

umumlashtirishi, xulosalar qilishi; 



 amaliy vazifalarni yechishda nazariy bilimlarni qo`llay bilishi; 

---

 

14 



  tadqiqot  mavzusi  bo`yicha  yakuniy  xulosa  qilishi,  tadqiq  qilingan  masalani  kelgusida 

o`rganish istiqbollarini begilashi; 



 belgilangan talablarga mos hoda BMIni rasmiylashtirishi  lozim.