Adabiyoт uмuмiy o‘rтa тa’liм мakтablarining

Yodingizda tuting:
Vatan mavzuida yozilgan she’ru dostonlar ko‘p. Ularda ona yurt 
madhiga aytilmagan sifatlar qolmagan go‘yo. Biroq o‘zbekning asl 
milliy shoiri Anvar Obidjon o‘z yurtini “Vatanjon” deb alqaydiki, 
unga qadar birorta shoir bunday yo‘l tutmagan edi.
She’rning sarlavhasi bejiz bunday tanlanmagan. Shoir uchun ona 
Vatan tuyg‘usi jon hissi bilan chambarchas bog‘liq. Jonsiz Vatanni, 
Vatansiz jonni tasavvur qilolmaydi u. She’r mazmunidan shoirning 
o‘z Vatanini ham bola bo‘lib, ham uning posboni – alp yigit bo‘lib 
sevishi, sergak himoya qilishi anglashiladi.

---

242
Agar e’tibor bersangiz, ukangiz yoki singlingiz uyqudan uyg‘o-
niboq darrov onangizni qidiradi, unga talpinadi. Xuddi shu bolajon 
singari shoir “Uxlab uyg‘onguncha xumor bo‘laman” deydiki, uning 
uchun Vatani ham tuqqan onasi yanglig‘ aziz va sog‘inchlidir.
“Tinch  kunlar”  she’ri  ham  shu  muqaddas  tuyg‘uning  yana  bir 
qirrasiga diqqatimizni qaratadi. Shoir yurtimiz – Turonzamin tarixida 
kechgan xatarli va sharafli hodisalarning ko‘pchiligi tarix kitoblari, 
solnomalarda  “tarixiy  voqea”  deb  atalishini  yodimizga  solar  ekan, 
birdan  bugungi  O’zbekiston  hayotiga  shu  nuqtai  nazardan  qarab 
ko‘rishni taklif qiladi.
Darhaqiqat, tinch va osuda o‘tayotgan bugungi kunimizda go‘yo 
ana o‘shanday tarixiy voqealar bo‘lmayotgandek tuyulishi mumkin. 
Biroq  jiddiy  o‘ylab  ko‘radigan  bo‘lsak,  mana  shu  tinchlikning, 
osoyishtalikning ta’minlanishi uchun chakana mehnat qilinyaptimi? 
E’tibor bering:
Bu o‘rinda gap faqat chegaralarimizda sergak turgan askarlarimiz, 
ichki va tashqi xatarlarning oldini olishga mas’ul harbiylar mehnati 
va zahmati haqidagina ketayotgani yo‘q. Yurtning tinch o‘tgan har 
bir kunida o‘z kasbini sidqidildan ado etayotgan har bir insonning 
hissasi bor, deb bemalol aytish mumkin. 
Chunki fidoyi o‘qituvchining shogirdlariga yaxshi ta’lim-tarbiya 
berishi ham, quruvchilarning uylarni sifatli va mustahkam qilib qurishi 
ham, uchuvchining samolyotni mohir boshqarib, yo‘lovchilarni manzilga 
eson-omon etkazishi ham, aslida, o‘sha kunning tinch o‘tishiga munosib 
hissa  bo‘lib  qo‘shiladi.  Mana  shularni  nazarda  tutgan  shoir,  quyidagi 
xulosaga kelar ekan, unga qo‘shilmay sira iloji yo‘q:
Yurtimizning tinchgina o‘tgan har kuni
Mislsiz tarixiy voqea asli.
Agar Anvar Obidjonning “Yer” deb nomlangan she’riga ham mana 
shunday sinchkovlik bilan yondashib tahlil qilishga harakat qilsangiz, 
undan olam-olam mazmun kashf etishingiz aniq, aziz o‘quvchi.      

---

243