Adabiyoт uмuмiy o‘rтa тa’liм мakтablarining

VATANJON
Balodan asray deb tumor bo‘laman,
Noming ulug‘lovchi shior bo‘laman,
Uxlab uyg‘onguncha xumor bo‘laman,
Vatanjon!
Sen o‘zing kulbamsan, sen o‘zing - olam,
Sen o‘zing otamsan, sen o‘zing - bolam,
Yoshligim - o‘zing, sen - boshda oq tolam,
Vatanjon!
Mehringni ko‘rpadek yopinib o‘tgum,
Har daraxt, toshingga topinib o‘tgum,
Bag‘ringda yurib ham sog‘inib o‘tgum,
Vatanjon!
O’zimdan ko‘p seni o‘ylayveraman,
Bo‘yingni jahonga bo‘ylayveraman...
Qabrimda ham husning kuylayveraman,
Vatanjon!
2011
TINCH KUNLAR
Bizlar quraverdik, buzaverdi yov
Qo‘rg‘onu uyimiz, ko‘shku qasrni.
Sha’nimizni depsib ezaverdi yov,
Ko‘rmadik suronsiz biror asrni.
Turon solnomasin o‘qir talaba,
Sahifalar guvlar janglarga to‘lib.

---

238
Har bir mag‘lubiyat, har bir g‘alaba
Iz solmish “Tarixiy voqea” bo‘lib.
Fitnaga boy erur har bitta zamon,
Jim tursang-da cho‘zar qattollar bo‘yin.
Tutmoqlikdan ko‘ra nayzaga qalqon,
Tinching mo‘rt shishadek asramoq qiyin.
Bir o‘yga chorlagay kitob yakuni:
Ichikamiz yozga faqat qish fasli.
Yurtimizning tinchgina o‘tgan har kuni
Mislsiz tarixiy voqea asli.
2011
YER
Bo‘shliqda tirgaksiz g‘ildirab,
Qanotsiz bo‘zlagan olam bu.
Goh Oydan, goh Kundan nur tilab,
Sarson giz-gizlagan olam bu.
Ochilgan bahrimi o‘rmonlar,
To‘kkan ko‘z yoshimi ummonlar?
Ko‘ksida gar o‘tli vulqonlar,
Bosh-puti muzlagan olam bu.
Ko‘z-ko‘zlab toshqinda qudratin,
To‘fonga jo aylar shiddatin,
Kashf etib tog‘larning haybatin,
Dengizni tuzlagan olam bu.
Hokimdir qonunlar o‘rnatib,
Pand yedik ba’zan es o‘rgatib,

---

239
Ming asr tashvishin qo‘zg‘atib,
Hikmatlar so‘zlagan olam bu.
Tulporni qamchilab qistarmiz,
Fursatdan o‘zmoqni istarmiz,
Poygada lek ko‘proq muztarmiz,
Bizdan ham tezlagan olam bu.
Dunyo keng, do‘stim, sen torlanma,
Shashtiga mos tushmay xorlanma,
Bir zum tin bergil deb zorlanma,
O’zi tin izlagan olam bu.
2008