Adabiyoт uмuмiy o‘rтa тa’liм мakтablarining

Yodingizda tuting:
Urush degan balo hali Yer yuzidan butunlay supurib tashlangani 
yo‘q. U goh terrorchilik shaklida, goh milliy va diniy adovatlar 
shaklida o‘z sharpasini ko‘rsatib turibdi. Agar odamzod ogoh 
bo‘lmasa, ona zamindagi barcha tinchliksevar kuchlar birlashib, 
urushga qarshi chiqmasa, bu fojia avvalgilaridan ham dahshatliroq 
bo‘lib takrorlanishi mumkin. 
Dostonda tinchlik uchun kurashib jon berganlar nidosi, ularning 
ortida qolgan farzandlar, onalar, chol-u kampirlar nidosi umumlashib 
davr nidosiga – tinchlik uchun kurash nidosiga aylanib ketadi:
Bo‘lurmiz gal kelsa har birimizga
Tinchlik janggohining fidosi.
Bu senga, bu menga, bu bizga
Yigirmanchi asr nidosi.
Ana endi doston nomidan – «Nido»dan anglashilgan ma’no 
ma’lum bo‘ldi. Demak, tinchlik uchun, insoniyatning baxtli kelajagi 
uchun kurash nidosi XXI asrda ham, undan keyin ham, to Yer 
yuzida abadiy tinchlik o‘rnatilgunga qadar har bir insonning qalbida 
jaranglab turmog‘i kerak.
Savol va topshiriqlar
1. Erkin Vohidovning bolaligi haqida nimalarni bildingsiz?
2. Shoir she’riyatdan boshqa yana qaysi janrlarda qalam tebratgan?

---

216
3. «Nido» dostonida qaysi urush tasvirlangan va bu urush insoniyat 
boshiga qanday falokatlar olib kelgan?
4. Urush tugaganidan so‘ng oradan yigirma yil o‘tgan bo‘lsa ham 
shoir nega u yillarni alam bilan eslayapti?
5. Urushning oddiy bir qishloq boshiga solgan fojialari qaysi 
misralarda tasvirlangan?
6. Urush jangda halok bo‘lgan qurbonlardan tashqari yana qanday 
kulfatlar olib keladi?
7. Doston orqali shoir aytmoqchi bo‘lgan eng asosiy muddao nima?
8. O‘zingiz o‘qigan urushga qarshi asarlar, ko‘rgan film va 
spektakllaringiz haqida hikoya qilib bering.
9. Dostondan o‘zingizga ma’qul bo‘lgan parchani yod oling.
Оta-оnangiz bilan birgalikda urush to‘g‘risidagi adabiy va san’at 
asarlari nоmi bilan quyidagi jadvalni to‘ldiring.