Adabiyot Abituriyentlar uchun 3-qism mustaqillik davri o‘zbek adabiyoti

1973


YAXSHIDIR ACHCHIQ HAQIQAT

Yaxshidir achchiq haqiqat,
Lek shirin yolg‘on yomon,
Ul shirin yolg‘onga mendek
Aldanib qolg‘on yomon.

Umrimiz aldoq jahonda

Aldanib o‘tgay va lek
So‘nggi qiynalg‘on yomondir,
So‘nggi qiynalg‘on yomon.

Aytgali achchiq azobing

Bo‘lsa dildosh yaxshidir,
So‘z demay o‘tli alamni
Joningga solg‘on yomon.

Jonga solg‘on ham na sozdir,

Elga so‘ylab men kabi
Shoiri devonayi ishq
Nomini olg‘on yomon.

Gar qilich kelsa boshingga,

Qo‘rqma, Erkin, rostni ayt,
Yaxshidir achchiq haqiqat,
Lek shirin yolg‘on yomon.

SHUKUR XOLMIRZAYEV
(1940 - 2005)
O‘zbekiston xalq yozuvchisi Shukur Xolmirzayev 1940- yilning 24- mart kuni Surxondaryo viloyatining Boysun tumanida tug‘ilgan. 1962-yilda Toshkent davlat universiteti (hozirgi Mirzo Ulug‘bek nomi­dagi O‘zbekiston Milliy universiteti) ning Jurnalistika fakultetini tugatgan. Yoshlar nashriyoti va bir necha jurnallarda muharrirlik qilgan. Sh.Xolmirzayevning hikoya va ocherklari talabalik yillaridayoq Respublika ommaviy axborot vositalarida e’lon qilina boshlagan. U qissalar yozishga ham tengdoshlariga nisbatan erta kirishgan.
Qissalari: «To‘lqinlar» (1963), “O‘n sakkizga kirmagan kim bor” (1965) (Bu qissalari bilan u Abdulla Qahhordek ustozlar e’tiborini qozongan)
Romanlari: «So‘nggi bekat», «Qil ko‘prik», «Yo‘lovchi», «Olabo‘ji», «Dinozavr» kabi asarlar yozdi.
Agar “Qil ko‘prik” romanida o‘tgan asming 20-yillaridagi birodarkushlik urushining halokatli hodisalari tasvirlangan bo‘Isa, qolgan romanlarda 70-80- yillardagi ma’naviy-mafkuraviy tanazzul o‘z aksini topdi.
Pyesalari: «Qora kamar» (1987) (Bu asarida sho‘ro davrida faqat qoralanib kel­gan «bosmachilik harakati»ga ham yangicha yondashib, mazkur hodisani butun murakkabligi bilan chuqur badiiy talqin etdi), «Ziyofat» (Bu pyesasida xotin-qizlarimizning sho‘ro davridagi fojiali hayotini ro‘yirost yoritilgan bo‘lib, 1990- yilda sahnalashtirildi).
Hikoyalari: «Olis yulduzlar ostida», «O‘zbekning soddasi», «Ora yo‘l», «Odam», «Cho‘loq turna», «Kimsasiz hovli», «Bodom qishda gulladi», «Tog‘larga qor tushdi», «Yashil Niva», «Xumor»
O‘zbek adabiyoti tarixida o‘ziga xos o‘chmas iz qoldirgan yozuvchi Shukur Xolmirzayev 2005-yil 29-sentabrda Toshkent shahrida vafot etgan.