Adabiyot — yuksak ma’naviyat asosi

Men dunyoni nima qildim,

O‘zing yorug‘ jahonim.

O‘zim hoqon,

O‘zim sulton,

Sen taxti Sulaymonim.

Yolg‘izim,

Yagonam deymi,

Topingan koshonam deymi,

O‘zing mening ulug‘lardan

Ulug‘imsan Vatanim. 

Jahon ayvonida ulug‘lardan ulug‘ O‘zbekistonimizning shonli milliy adabiyoti va uning tarixiga bag‘ishlov emasmi? Xuddi shunday. Yurtboshimiz Islom Karimov «Ona yurtimiz baxtu iqboli va buyuk kelajagi yo‘lida xizmat qilish — eng oliy saodatdir» deb nomlangan tarixiy ahamiyati cheksiz asarida o‘tmishga, ota-bobolarimiz, momolarimizning aziz ruhi va duolari tufayli ham «Siz, azizlarning duosi bilan ana shunday buyuk baxtga, tolega sazovor bo‘lyapmiz, Vatanimiz yanada ravnaq topmoqda, dunyodagi eng rivojlangan davlatlar qatoriga chiqyapmiz, deb yaxshilik, ezgulik, xayrli va savob ishlar haqida suhbat quramiz» deb qayd qiladilar. 

Darvoqe, umuman, huquqni muhofaza qilish idoralari xodimlari ma’naviyatini yuksaltirish uchun birinchi navbatda ularning dunyoqarashini zamon talablariga adabiyotning ma’naviy-axloqiy ta’sirida moslashtirish zarur. Adabiyot barcha ommaviy axborot vositalari, teatr, kino,  musiqa, rassomlik va haykaltaroshlik san’atigacha, bir so‘z bilan aytganda, insonning qalbi va tafakkuriga bevosita ta’sir o‘tkazadigan barcha sohalardagi faoliyat, bu — xalqning ma’naviy ehtiyojlari, zamon talablari asosida yanada kuchaytirishimiz, yangi bosqichga ko‘tarish dolzarb vazifa bo‘lib qolmoqda. Shu bois Yurtboshimizning quyidagi: «Yuksak ma’naviyat – yengilmas kuch» asarida «Barchamizga ayon bo‘lishi kerakki, qaerdaki beparvolik va loqaydlik hukm sursa, eng dolzarb masalalar o‘zibo‘larchilikka tashlab qo‘yilsa, o‘sha yerda ma’naviyat eng ojiz va zaif nuqtaga aylanadi. Va aksincha, qaerda hushyorlik va jonkuyarlik, yuksak aql-idrok va tafakkur hukmron bo‘lsa, o‘sha yerda ma’naviyat qudratli kuchga aylanadi». — degan ta’kidi barchamizga dasturilamal bo‘lishi kerak. Demak, har bir fuqaro ham ma’nan, ham jismonan qudratli kuch sifatida namoyon bo‘lar ekan, davlatimiz tinch va osoyishta hamda ochiq fuqarolik jamiyatiga aylana borishi – pirovard maqsadimiz bo‘lib qolaveradi.