Academic Research in Educational Sciences Vol. 1 No. 1, 2020 issn 2181-1385

Academic Research in Educational Sciences
Vol. 1 No. 1, 2020 
ISSN 2181-1385 
 

 
 
Academic Research, Uzbekistan 

Page 30
 www.ares.uz 

 
талабаларга миллий ғоя, бузғунчи ва бунёдкор ғоялар тўғрисида билим бериш 
билан чекланиб келинган бўлса, энди улардан ана шу билимларини ҳаётда 
қўллашни ўргатиш талаб этилади. Зеро ғоявий тарбия ўз мазмун моҳиятига кўра 
талаба ёшларни ижтимоий фаол мутахассислар этиб тарбиялашни кўзда тутади. 
Модернизациялашган ғоявий тарбия ғоявий ҳушёрликни, компетенцияларни 
ёшларнинг кундалик ҳаётдаги уқувларига, хулқ-атвор меъёрларига айлантиради. 
Зеро академик А.Саидов таъкидлаганидек, “Ҳозирги босқичда фуқаролик 
жамиятининг демократик негизларини шакллантириш фақат Конституция ва 
Ўзбекистон қонунчилигининг асосий қоидаларини билишнигина эмас, балки 
ўзининг амалий фаолиятида Конституция кўрсатмаларига амал қилишни ҳам 
тақозо этадиган юксак конституциявий маданият қарор топиши вазифалари 
билан бевосита боғлиқдир. Муайян билимларга эга бўлиш мумкин, бироқ, 
уларни амалиётда қўллаш уқуви бўлмаслиги мумкин [5]”. 
Ушбу билимдан уқув, компетенцияга трансформация принципи
З.Қосимованинг “Талабаларнинг мафкуравий онгини устиришда, улар бузғунчи 
мафкураларга ҳар доим, ҳамма жойда муросасиз бўлиши, миллий мафкуравий 
тарғиботни кучайтириш, миллий ғоямизни амалда қўллашга, ҳимоя қилишга 
тайёр бўлишлари зарур”,[6] деган хулосаси тасдиқлайди. 
Педагогика фанлари номзоди Ҳ.Д.Норқулов ўз тадқиқотида масъулият 
фазилатига алоҳида урғу беради. “Ватан туйғуси билан яшаш шахсда миллий 
маъсулиятни шакллантиради. Миллий маъсулият одамнинг хар бир амали, 
фаолияти маҳсулини тўлиқ тасаввур қилган ҳолда, унинг ўзи ва миллати учун 
нима наф келтиришини англай олиш қобилиятидир. Маъсулиятни ҳис қилган 
одам ўз ишини доимо пухта режалаштириб, унинг оқибатини олдиндан тасаввур 
қила олади ва зарур натижага эришиш учун бутун кучи ва салоҳиятини сафарбар 
этишга қодир бўлади. Бунга эришишнинг энг қулай йўли, ёшларда ғоявий 
билимларини ошириш, уларда соғлом тафаккур ва илмий дунёқарашни 
шакллантиришдир” [7] деб таъкидлайди олим.
Педагогик фанлари доктори Ш.Акрамова ғоявий тарбиянинг ролини 
тушунтирар экан, “Бугунги кун талаблари таълим муассасаларида маънавий–
маърифий ишлар мазмуни ва уларни янада такомиллаштиришни, мафкуравий 
муаммоларни ва ғоявий кураш масаласини янада чуқур илмий-педагогик таҳлил 
қилишни ёшларда мафкуравий иммунитетни амалда шакллантириш йўлларини
яхшилашни талаб этади”, дейди [8].