Abuzalova M

Mavzu yuzasidan savol va topshiriqlar 
1.
So„z nima? Uning til sistemasidagi o„rnini izohlang. 
2.
Leksema atamasining ma‟nosini ochib bering. 
3.
Leksemaga barcha tillar uchun bir xil ta‟rif berib bo„ladimi? 
4.
Leksemalar jamiyat a‟zosi ongida qanday munosabatlarda 
yashaydi? 
5.
Quyidagi matnni o„qing. Mustaqil va yordamchi leksemalarni 
aniqlang. Ularning ma‟nolari orasidagi farqni tushuntiring. 
Ibodat ne? Yaratganga itoat ham ibodatdir, 
Haqiqiy bandalik birlan sadoqat ham ibodatdir. 
Ibodatdir tiriklikni etolsang ma‟rifat bog„i, 
Mashaqqatli ilm, san‟at, qiroat ham ibodatdir. 
Onang birlan otang qalbi o„tar Ka‟ba tavofidan, 
Alar ko„nglini shod etsang, shu xizmat ham ibodatdir. 

---

99 
Xabar oldingmi bemordan, qarindosh, do„st, musofirdan? 
Birovni yo„qlasang dildan, ziyorat ham ibodatdir. 
Umrni etmayin isrof, o„zung ro„za, vujuding sof, 
Agar pok holda uxlarsen, shu rohat ham ibodatdir. 
Mudom Allohni zikr etsang, halol boriga shukr etsang, 
Qiyomat kunni fikr etsang, tijorat ham ibodatdir. 
Butun borliq, nabotot ham yaratganga etar tasbih, 
Bobo dehqon ekib yursa, ziroat ham ibodatdir. 
Ibodatdir biror zolim, jafokorga desang haq so„z 
Va nodonga sukut etsang, sukunat ham ibodatdir. 
Agar jufti halol birla ko„ngilxushlik etar bo„lsang, 
Falak shohid, malak hozir shu fursat ham ibodatdir. 
Tamal iymon-u ixlosdir, bu qullik bandaga xosdir, 
Xudo deb qilganing har ish va niyat ham ibodatdir. 
Bu islomdir hama xublik ibodat holiga kelgay 
Ki ogohlik bilan o„tgan bu fursat ham ibodatdur. 
Sevib, mirzo, faqat do„stlik bilan dillarni obod et, 
Agar Alloh uchun sevsang, muhabbat ham ibodatdir. 
(Mirza Kenjabek she‟ri)