Abul Muʼin an-Nasafiy ziyoratgohiga tashrif

Abul Muʼin an-Nasafiy ziyoratgohiga tashrif.

“Chorvachilik va qishloq xo‘jaligini mexanizatsiyalash” fakulteti “Qishloq xo‘jalik mahsulotlarini saqlash va dastlabki ishlash texnologiyasi (meva-sabzavot mahsulotlari)” 2 - bosqich 215-guruh talabalari va Umumtexnik fanlar kafedrasi assistenti M. Aralova boshchiligida kalom ilmining buyuk namoyandalaridan biri

Abul Muʼin an-Nasafiy ziyoratgohiga ziyorat tashkil etildi. Davlatimiz rahbarining 2017-yil 24-25-fevral kunlari Qashqadaryo viloyatiga tashrifi chog‘ida Qarshi tumanidagi kalom ilmi bo‘yicha taniqli olim “Abul Muin Nasafiy” tarixiy majmuasini qayta ta’mirlash, uning negizida kutubxona, muzey tashkil etish yuzasidan topshiriq va ko‘rsatmalar bergan edi. Ushbu topshiriqlar ijrosi doirasida Abul Muin Nasafiyning boy ilmiy ma’naviy merosini chuqur o‘rganish, xalqimiz va jahon jamoatchiligi o‘rtasida keng targ‘ib etish maqsadida ziyoratgohda keng ko‘lamli bunyodkorlik ishlar amalga oshirilgan. Talabalar 2,1 gektar maydonni egallagan obida hududida 500 o‘rinli masjid, kutubxona, muzey, ma’muriy bino, tahoratxona, choyxonalar, majmua hududidan o‘tuvchi kichik anhor, qadimiy quduq va tarixiy tut daraxti bilan yaqindan tanishdi.