Abu rayhon beruniy

ZAHIRIDDIN MUHAMMAD BOBUR

Farg'ona viloyati poytaxti Andijon shahrida ushbu viloyat hokimi Umarshayx Mirzo xonadonida dunyoga keldi. Umarshayx Amir Temurga evara - to'rtinchi (Abushaid Mirzo-Sulton Muhammad Mirzo-Mironshoh-Amir Temur) avlod edi. Onasi Qutlug'nigorxonimning otasi Toshkent hokimi Yunusxon esa o'zbeklashgan mo'g'ul urug'idan bo'lib, 12 avlod bilan Chingizxonga tutashgandir. Otasining bevaqt vafotidan so'ng Bobur 12 yoshida taxtga chiqadi. 1497-yilda Bobur Samarqandni egallaydi. Biroq, Bobur o'z yaqinlarining xiyonati tufayli Samarqandni yuz kun deganda tashlab chiqib ketadi. U Andijonga qaytadi. Biroq u Xo'jandga etganda Shahar xiyonatchilar qo'liga o'tib ketganligi ma'lum bo'ladi. Shaharni qayta olish maqsadida qilingan xatti-harakatlar, Toshkentdagi tog'asidan yordam kutishlar samarasini bermadi. Oilalari Andijonda bo'lgan yigitlar Boburdan ajrala boshlaydi. Shu tariqa ming kishilik qo'shindan ikki yuzdan ortiq kishi qoladi. U qishni Samarqand yaqinidagi qishloqlardan birida o'tkazadi va ko'klam kelishi bilan qilingan harakatlari ham besamar ketadi.