Abu Ali ibn Sino nomidagi Buxoro tibbiyot instituti Ichki kasalliklar propedevtikasi kafеdrasi

5. Patologik anatomiyasi.
Quruq plevritda plevra qalinlashgan, qizarinqiragan ko‘rinadi. 
Plevraning o‘zgargan sathiga fibrin yig‘iladi va g‘adir – budur bo‘lib qoladi, qaytadan so‘rilishi 
natijasida chandiqlar hosil bo‘ladi. Ekssudatli plevrit plevra bo‘shlig‘iga suyuqlik yig‘ilishi bilan 
ifodalanadi. 
6. Tasnifi. 
1984 yilda qabul qilingan Putov ishchi tasnifi patologik jarayon etiologiyasini, 
xarakterini (tabiatini), suyuqlik borligini, joylashishini, kechishini hisobga oladi. 
(1)
Etiologiyasi bo‘yicha yuqumli va yuqumsiz (aseptik) plevritlar farqlanadi. Yuqumlilari 
qo‘zg‘atuvchi omil turiga, aseptiklari esa kasallik xarakteriga qarab (shikastli,kartsinomatozli, 
revmatikli va hokazo) bo‘linadilar. 
(2)
Yallig‘lanish ekssudati tabiatiga ko‘ra: fibrinsimon (quruq), serozli, qonli (gemorragik), yiringli, 
eozinofilli, xilezli turlarga ajraladi. 
(3) 
Kasallikning kechishi bo‘yicha o‘tkir, surunkali turlari tafovut qilinadi. 
(4)
Joylashuviga ko‘ra diffuzli (total) va chegaralangan (xaltachasimon) bo‘ladi. 
Zotiljam bilan birgalikda rivojlangan plevritga parapnevmoniyali va zotiljamning tuzalish davrida 
vujudga kelganiga – metapnevmoniyali plevrit deb nom berilgan.